УИХ-ын гишүүд 65 хоногийн туршид хууль тогтоох ажлаасаа завсарлага авч амарч сувилуулаад ирсэн. Гэсэн УИХ-ын үйл ажиллагаа ажлын эхний долоо хоногийн сүүлийн өдөр тун тааруу ирцтэй байснаас гадна цагтаа эхэлсэнгүй.

Өнгөрсөн даваа гаригт эхэлсэн УИХ-ын нэгдсэн чуулган баасан гаригийн өглөө УИХ-ын гишүүн Д.Ганбатын асуулгад МУ-ын Ерөнхий сайд Н.Алтанхуягийн хариулт өгч, тайлбараар эхлэх ёстой байсан. Гэвч 09³⁴⁰ минутын байдлаар УИХ-ын чуулган хараахан эхлээгүй байна. Учир нь УИХ-ын гишүүд, хууль тогтоогчид ирцээ бүрдүүлж чадаагүй байгаа юм. 09⁴⁰ минут гэдэг бол ажлын цаг эхлээд бүтэн 40 минут өнгөрсөн хугацаа. Гэтэл ард иргэдээс авсан мандатаа, үүрэгт ажлаа УИХ-ын гишүүд хэрхэн хийдэг вэ гэдэг нь уг ирцээс харагдаж байгаа юм.

Бараг 10 цаг гэж эхэлсэн чуулганд хамгийн олон суудал авсан Ардчилсан нам маш бага ирцтэй байлаа. Харин УИХ-ын гишүүдийн давхар ажлын алба болох сайдын ажлаас нь халах уу, үгүй юу гэдэг асуудлыг хэлэлцэх үед тэд маш олуулаа байсан юм. Харин хууль тогтоогчид асуулга асуудаг засгийн газрын цагт олуулаа болсон Ардчилсан намынхан ийнхүү хамгийн бага ирцийг бүрдүүлсэн юм. Бүлгийн дарга нь төрийн ордонд хүрэлцэн ирээгүй. Тийм учраас ирц, цаг барих асуудлаар тайлбар авлаа.

УИХ-ын гишүүн, УИХ дахь МАН-ын бүлгийн дарга С.Бямбацогт: “УИХ-ын 17 гишүүн Засгийн газрын 17 сайдын ажлыг хийж байгаа. Ингээд байнгын хороо, чуулганы хуралдаан хуралдахгүй байх, ирц хүрэхгүй байгаагаас удаан хойшлох явц давтагдаж байсан.

Үүнийг шийдэх гээд УИХ-ын Ж.Эрдэнэбат, А.Бакей болон бид нарын гишүүд УИХ-ын гишүүдийн ирцийг хурууны хээгээр бүрдүүлдэг, саналыг хурууны хээгээр өгдөг, хэн нэгний өмнөөс картыг нь шургуулж ирцийг нь бүрдүүлэхгүй байх, хэн нэгний кнопыг нь дарж санал өгөхгүй байх, гишүүд ирсэн дарааллаараа ирц хэлдэг болъе гэсэн хуулийн төслийг санаачилсан.

Байнгын хороо, чуулганы хуралдаан хуралдахгүй байх, ирц хүрэхгүй байгаагаас удаан хойшлох явц давтагдаж байсан.

Харамсалтай нь эрх баригч намын С.Баярцогт нарын гишүүд энэ хуулийг батлахгүй гэж эсэргүүцсээр байгаад татуулсан. Энэ асуудлыг шийдэх гэж ойрын үед бид хууль өргөн барина. Ингэж шийдэхгүй бол хаврын чуулган эхэлж байна.

Давхар дээлийн асуудал ярих үед УИХ-ын гишүүдийн ирц 70 гаруй гишүүд байсан. Харин дараа өдөр нь засгийн газрын асуулгын цагийн үеэр УИХ 40 гаруй минут хойшилж эхэлсэн. Хуралдаан тарах үед МАН-ын 8-9 гишүүн, АН-аас 1-2 гишүүн, Шударга ёс эвслээс 3-4 гишүүн харагдаж байсан. Иймэрхүү байдалтай оролцож байна. Цаашид ийм байдалтай явж болохгүй. Яаралтай энэ асуудлыг шийдэх цаг нь болжээ.”гэсэн юм.

Нэгэнт гишүүд давхар алба хашиж байгаа, мөн янз бүрийн олон уулзалт, хурал цуглаан, янз бүрийн арга хэмжээнд очих хэрэгтэй байдаг бол Монгол улсын хууль тогтоох их хурал хэрхэн цаашаа үргэлжлэх ёстой нь эргэлзээтэй болж байна. Угтаа бол УИХ-ын гишүүдийн хамгийн чухал үүрэгт ажил нь УИХ-ын нэгдсэн чуулганд сууж, аливаа хэлэлцэж буй асуудлаар өөрийг нь сонгосон иргэдийн эрх ашгийг хамгаалах учиртай.

С.Бямбацогт: Ухаалаг үнэмлэхээр цаг бүртгэхийг дахин санууллаа