Цагаан сарын дараахан тойрог руугаа явсан УИХ-ын гишүүн Ж. Энхбаяр нэлээд баяртай буцаж иржээ.

Говь-Алтай аймгийн иргэд Атрын гуравдугаар аяны хүрээд газар тариалангаа идэвхтэй хөгжүүлэхээр зориг шулуудаж, энэ санаагаа анзаарагдам илэрхийлэх болсон нь алтай нутгаас сонгогдсон гишүүнийг баяруулсан хэрэг. Урамшсан гишүүн “Усжуулах бололцоотой газар хэд байна вэ, түүнийхээ хөрсний дээжийг аваад хот руу явуулаач. Хөрсний эрдэм шинжилгээний хүрээлэнд шинжлүүлээд ямар эрдэс баялаг хэрэгтэй байгааг тогтоож өгье” гэж амалчихаад иржээ.