Белорусын хөлсний ажилчид байцаа хурааж байна.  Фото: Василий Федосенко / Reuters

Европын холбоо, АНУ анх удаа  Белорусийн эсрэг хориг арга хэмжээг 2004 онд авч, дараа нь хэд хэдэн удаа сунгажээ.  Үндсэндээ Белорусийн төрийн өндөр албан тушаалтан, зарим нэг компаний эздэд виз олгохыг хориглосон байв.  Гэхдээ энэ нь энгийн хүмүүсийн амьдралд нөлөөлөөгүй.

Өлсгөлөнгөөс болж өвчилсөн Хойд Солонгосын хүүхдүүд. Фото: Reuters

Хойд Солонгос олон жилийн турш хориг дор амьдарч байна. 1995 онд дөрвөн жил үргэлжилсэн өлсгөлөн эхэлж олон сая хүний амийг авч оджээ.

Кот-д Ивуарын хүүхдүүд алмаз хайж байна.  Фото: Issouf Sanogo / AFP

Кот-д Ивуарын эсрэг НҮБ-ын тавьсан хориг 2004 онд тус улсад эхэлсэн иргэний дайнаас үүдэлтэй. Энэ дайн одоо хүртэл үргэлжилж байгаа. Хоригийн хүрээнд какао-боб, алзамын экспортыг хоригложээ. Үүний үр дүнд алмазын хууль бус наймаа цэцэглэв.

Кубын нийслэл Гаван хотын гудамж.

АНУ-ын Кубын эсрэг хориг 1960 оноос өнөөг хүртэл хэрэгжиж байна.  Куб улсад Эдийн засгийн хамтын ажиллагааны Зөвлөл болон ЗХУ тусалж байв.  1991 онд ЗХУ задарсны дараа Кубад хүндхэн үе ирсэн ч 23 жил тэсэв. Харин одоо Барак Обама хоригийг цуцлах талаар ярьж эхлэв.

Иракчууд талханд оочерлож байна.  Фото: Jerome Delay / AP

Иракийн арми Кувейт руу халдсаны дараа Саддам Хусейны дэглэмийн эсрэг олон улсын хориг хэрэгжиж эхлэв. 1995 оноос энгийн иргэдэд туслахын тулд “Нефтийн оронд хүнс” нэртэй хөтөлбөр хэрэгжив. Гэвч Ирак улсын хөдөө аж ахуйн салбар хориг, дайн зэргээс болж огт сэргэсэнгүй.

Венесуэль. 2013 он. Фото: Jorge Silva / Reuters

Венесуэлийн эдийн засаг бараг тэр чигээрээ нефтээс хамаардаг.  1999 оноос Уго Чавес засгийн эрхэнд гарснаар эдийн засаг дахь төрийн оролцоог нэмж, гол үйлдвэрүүдийг улсын болгож төрөөс үнийг тогтоохыг оролдож эхэлжээ.  АНУ Венесуэлийн эсрэг 2011 онд Иран, Хойд Солонгостой нөхөрлөснийх нь төлөө нефтийн салбарт хориг арга хэмжээ авчээ.  Үүнээс болж тус улсад импортын олон бараа хомсдолд орсон байна

.

Бензинд оочерлож байна. Ливи улс. 2011 он. Фото: Bob Strong / Reuters

Ливийн эсрэг хамгийн анхны хоригууд 1980-иад онд хэрэгжиж 2003 онд цуцлагджээ. Харин иргэний дайн эхэлсний дараа Барууны орнууд Каддафад нөлөөлөхийн тулд шинэ хоригийг хэрэгжүүлэв. Дайн, хориг хоёрын уршгаар улс орны эдийн засаг элгээрээ мөлхөв. 

Сирийн иргэд цэргээс хүнс худалдаж авахыг хүсч байна. 2012 он.  Фото: Muhammed Muheisen / AP

2011 онд Сири улсад зэвсэгт мөргөлдөөн эхэлсний дараа  АНУ, Европын холбоо Башар Асадын дэглэмийн эсрэг олон тооны хоригийг хэрэгжүүлжээ. Иргэний дайны нөхцөлд хориг арга хэмжээ юун түрүүнд энгийн иргэдэд халгаатай байдаг.

Ираны нийслэл Тегеран дахь ногооны зах.  2007 он.  Фото: Morteza Nikoubazl / Reuters

АНУ-ын Ираны эсрэг хориг 1979 оноос эхлэлтэй. Эдийн засгийн хориг, Ирактай хийсэн дайн хоёроос болж улс орны эдийн засгийн өсөлт удааширсан ч хүмүүс хоригийн нөхцөлд аажмаар дасчээ. Гэвч 2011 онд Европын холбоо хоригт оролцсоноор эдийн засаг хүнд байдалд орлоо. Эрх баригчид шинэ зах зээлийг бий болгож, Бушер дахь Атомын цахилгаан станци барьснаар эдийн засгаа авч үлдэнэ гэж үзэж байна. 

Өнөөгийн ОХУ.  Фото: Дмитрий Ловецкий / AP

АНУ, ЕХ-ны хавсарсан хориг рублийн ханш унахад хүргэв.  Хүмүүс улам бүр хямдарч буй рублээ барахын тулд импортын барааг ихээр худалдаж авчээ.