УИХ-ын чуулганы /2018.05.11/ хуралдаанаар “Монгол Улсын эдийн засаг, нийгмийг 2019 онд хөгжүүлэх үндсэн чиглэл батлах тухай” тогтоолын төслийг хэлэлцлээ.

Дээрх бодлогын арга хэмжээний үр дүнд нэгдсэн төсвийн нийт орлого 2018 онтой харьцуулахад 2019 онд 1.9 их наяд орчим тэрбум төгрөгөөр нэмэгдэх, сүүлийн жилүүдэд 4 оронгоор хэмжигдэж байсан зээлийн үйлчилгээний төлбөр 300 орчим тэрбум төгрөгөөр буурч 860 гаран тэрбум төгрөг болох, Засгийн газрын өнөөгийн үнэ цэнээр илэрхийлсэн нийт өрийн ДНБ-д эзлэх хувь 10 орчим хувиар буурч, ДНБ-ий 55 гаруй хувьд хүрэх, Засгийн газрын дотоод нийт өр дунд хугацаанд тогтмол буурах, хөрөнгө оруулалтын зардал болон цэвэр зээл 760 гаруй тэрбум төгрөгөөр нэмэгдэх, төсвийн алдагдал 314 тэрбум төгрөгөөр буурах, төсвийн алдагдлыг нөхөх зориулалтаар дотоодын бонд гаргахгүй байх зэрэг эерэг нөхцөл байдлууд бүрдэнэ гэж төсөөллөө гэдгийг онцлов. Нэгдсэн төсвийн 2019 оны хүрээний мэдэгдэл, 2020-2021 оны төсвийн төсөөлөлд нэгдсэн төсвийн тэнцвэржүүлсэн тэнцлийн ДНБ-д эзлэх хувийг 2019 онд -6.1, 2020 онд -4.3, 2021 онд -2.5 байхаар тус тус тооцжээ.

УИХ-ын гишүүн Д.Тэрбишдавга:

Гадаадын хөрөнгө оруулалтыг тодруулмаар байна.Тооцоо, судалгааг тайлбарлаж өгөөч. Хөдөөгийн малчид өргүй болж байгаа гэж Ч.Хүрэлбаатар сайд хэллээ. Уул уурхай, түүхий эдийн үнэ өссөнтэй холбоотой байна. Гэхдээ эцсийн бүтээгдэхүүн гаргах тал дээр яаж анхаарах вэ? Хөдөө орон нутагт боловсон хүчин дутмаг байна. Эдийн засгийн өсөлт яагаад буураад байна вэ? Ажиллах хүчний асуудал хүнд байна. Ажилгүйдлийн тоо нэмэгдэж байна. Энэ тооцооллоос харахад ажилгүйдлийн тоо буурахгүй юм байна гэхдээ 7,5 гэж гаргасан байна. Энэ тоо хаанаас гарсан бэ? Ажилгүй хүмүүс хаа, сайгүй байна .

УИХ-ын гишүүн, Сангийн сайд Ч.Хүрэлбаатар: Гадаадын хөрөнгө оруулалт 1,4 тэрбум төгрөг байгаа. Энэ тоог төлбөрийн тэнцлийг гаргахдаа оруулдаг. Үүнээс 900 сая доллар нь Оюутолгойн гүний хөрөнгө оруулалтаас, үлдсэн 500 сая ам доллар нь бусад салбараас орж ирсэн хөрөнгө оруулалт. Бодитоор банкаар дамжиж орж ирж байгаа. Хөдөө аж ахуйн бүтээгдэхүүн Эдийн засгийн өсөлт гарахаар нэмэгддэг,эдийн засаг буурахаар дагаад буудаг. Эерэг үзүүлэлтээ харах хэрэгтэй. Түүхий эдийн үнэ өсөх нь малчдад хэрэгтэй байдаг.

Д.Тэрбишдагва: Зарлагаа яаж бууруулах зүйл харагдахгүй байна.

Д.Тэрбишдагва: Эдийн засгийн өсөлт яагаад буураад байна вэ?