Сүхбаатарын хөшөөнд хүндэтгэл үзүүлж, цэцэг өргөлөө
2019.11.26

Сүхбаатарын хөшөөнд хүндэтгэл үзүүлж, цэцэг өргөлөө

Анхдугаар Үндсэн хуулиа баталж, Бүгд Найрамдах Улсаа тунхаглан зарласны 95 жилийн ойн баярын энэ өдөр тохиож байна. Өдгөөгөөс 95 жилийн тэртээ Монгол нутгийн өнцөг булан бүрээс аймаг, шавь, хошууны 77 төлөөлөгч Нийслэл Хүрээнд хуран цуглаж Анхдугаар их хурлаа хийсэн түүхтэй.

Энэхүү хурлаар Хаант засгаас Бүгд Найрамдах засаглалд шилжин, хамжлагат ёсыг халсан анхдугаар Үндсэн хуулийг 15 хоног хэлэлцэж, 1924 оны 11 дүгээр сарын 26-ны өдөр баталж байжээ. Энэ өдөр Монгол Улсын Ерөнхийлөгч Х.Баттулга,  УИХ-ын дарга Г.Занданшатар, Монгол Улсын Ерөнхий сайд У.Хүрэлсүх болон бусад албаны хүмүүс Сүхбаатарын хөшөөнд хүндэтгэл үзүүлж, цэцэг өргөлөө.