УИХ-д "Ногоон бүлэг” нэртэй шинэ бүлэг мэндэллээ.

"Ногоон бүлэг”-ийн зорилго нь байгаль орчныг хамгаалах, экологийн тэнцвэрт байдлыг хамгаалахын төлөө бүх анхаарлаа хандуулан ажиллаж, байгаль, экологийн асуудалд бүх байгууллага, төр, иргэний хамтын ажиллагааг чиглүүлж, тэдний анхаарлыг хандуулах оршиж байгаа ажээ. УИХ-ын эрхэм түшээд маань аль нэгэн нам хүчин харгалзахгүйгээр эх орон, байгаль экологийн асуудлаар санал нэгдэж чаджээ. Г.Баярсайхан, Д.Энхбат, Ц.Шинэбаяр, С.Оюун нарын санаачилсан "Ногоон бүлэг” нь одоогоор эгнээндээ УИХ-ын 20 гаруй гишүүдийг багтаагаад байгаа юм. Шинээр байгуулагдсан энэ бүлгийнхэн сар бүр иргэд, эрдэмтэдтэй уулзаж, жилд нэг удаа экологийн форум зохион байгуулахаар төлөвлөжээ.