Энэ хүрээнд Монгол Улсын Засгийн газар авлигатай тэмцэх үйл ажиллагаанд манлайлж, Авлигатай тэмцэх 5 Ш ажиллагааг хэрэгжүүлж, авлигыг таслан зогсооно. Үүнд:

1-рт Шүгэл ажиллагаа
● Авлига, албан тушаалын гэмт хэргийн талаар нийтийн эрх ашгийн төлөө мэдээлж байгаа шүгэл үлээгчийг хамгаалж, урамшуулан дэмжинэ.

2-рт. Шүүр ажиллагаа
● Хууль ёсны орлогоос давсан хэрэглээг таслан зогсоож, нийтийн албанд танилын хүрээгээр томилогддог явдлыг бүрмөсөн халж, авлигачдыг төрөөс шүүрдэн зайлуулна.

3-рт. Шувуу ажиллагаа
● Төрөөс хулгай хийгчид гадаад улс руу оргон зайлсан ч монгол төрийн гар, хуулийн буулга тэдэнд хүрч ял шийтгэл оноодог болно.

4-рт Шилжүүлэн авах ажиллагаа
● Оффшор бүсэд хулгайлсан хөрөнгөө нуун дарагдуулдаг байдалтай хатуу тэмцэж, хууль бус замаар олсон хөрөнгө орлогыг хураадаг болно.

5-рт Шил ажиллагаа
● Төр засгийн болон улс төрийн нам, төрийн өмчит компаниудын үйл ажиллагааг ил тод шилэн болгож, авлига ашиг сонирхлын буртагт бохирдсон төрөө тунгалагшуулна.

Энэ 5 Ш-ийг тууштай зөв хэрэгжүүлсэнээр нийгэмд ШУДАРГА ЁС жинхэнэ утгаараа тогтож МОНГОЛ ТӨРИЙН ДАРХЛАА сэргэж, МОНГОЛ ҮНДЭСТНИЙ ИТГЭЛ ҮНЭМШИЛ, ХҮСЭЛ ЗОРИГТ ШИНЭ СЭРГЭЛТ ирнэ гэж үзэж байна.