Аялал жуулчлалын хамгийн чухал хэсэг нь Агаарын тээвэр. Монгол Улсын Засгийн газар Аялал жуулчлалыг хөгжүүлэх үндэсний хороог Монгол Улсын Ерөнхий сайд Л.Оюун-Эрдэнэ ахлан ажиллахдаа Агаарын тээврийн либералчлалыг цогцоор нь хийж дуусгах чиглэлийг Зам, Тээврийн Хөгжлийн Яаманд өгсөн.

Монгол Улсын Ерөнхий сайд Л.Оюун-Эрдэнийн БНСУ дах айлчлал хүрээнд Байгаль орчин, аялал жуулчлалын яам агаарын тээврийн компаниудтай уулзалт хийж байна.

T'way Air - 티웨이항공 авиа компанийн хувьд 2022 оноос Монгол Улсад нисэж эхэлсэн бөгөөд Сөүл-Улаанбаатар-Сөүл чиглэлд 1 сая хүрэхгүй төгрөгөөр нислэг үйлдсэн нь олон жуулчин ирэх боломжийг бүрдүүлсэн билээ.

Энэ 2023 онд нислэгийн зөвшөөрлөө 6,7,8,9 сард нисэхээр авсан ч WelcometoMongolia хүрээнд 4 сараас эхлэн нисэхээр зөвшөөрөл хүсэж байна.

Тус хүсэлтийг ЗТХЯ, Сайд Бямбацогт Сандаг -д бид уламжлах бөгөөд агаарын тээврийн либералчлалыг хамгийн их дэмжиж байгаа Сайд учраас дэмжинэ гэж найдаж байгаагаа илэрхийллээ.