Манай Зам, тээврийн хөгжлийн яамны дэргэдэх Хөгжлийн бэрхшээлтэй иргэдийн салбар зөвлөлөөс санаачлан Улаанбаатар төмөр зам ХНН-ийн ЗОРЧИГЧИЙН ГАЛТ ТЭРЭГ, Авто тээврийн үндэсний төв ТӨҮГ-ын ХОТ ХООРОНДЫН ТЭЭВЭР, МИАТ ТӨХК-ийн НИСЛЭГЭЭР хөгжлийн бэрхшээлтэй хүн үйлчлүүлэхэд 50% аас 90% хүртэлх тарифын хөнгөлөлт үзүүлэхээр боллоо.

Энэ хөнгөлөлт Монгол Улсын маань 107 мянган хөгжлийн бэрхшээлтэй бүх иргэнд адил тэгш хамаарна.

Тухайлбал, УБТЗ ХНН буюу төмөр замаар хөгжлийн бэрхшээлтэй иргэн 60 хувь, түүний асран хамгаалагч, хариуцагч нь 40 хувийн хөнгөлөлттэй үнийн тарифаар үйлчлүүлнэ.

Харин орон нутгийн чиглэлд хот хоорондын нийтийн тээврийн үйлчилгээгээр жилд нэг удаа хүссэн чиглэлдээ үнэгүй зорчих,

МИАТ ТӨХК-ийн олон улсын нислэгээр үйлчлүүлэхэд хөгжлийн бэрхшээлтэй иргэн 50-90 хүртэлх хувийн хөнгөлөлттэй үнийн тарифаар үйлчлүүлэх нөхцөлийг бүрдүүлээд байна.

Ингэхдээ, зөвхөн хөгжлийн бэрхшээлтэй иргэнд төдийгүй түүний асран хамгаалагч, хариуцагч нь мөн энэ төрлийн хөнгөлөлтөд хамрагдах бүрэн боломжтой юм.

Цаашид ч бид хөгжлийн бэрхшээлтэй иргэдээ дэмжих, тэдний тэгш боломж, оролцоог бий болгох, бүх төрлийн тээврээр аюулгүй, ая тухтай зорчих боломж, нөхцөл, бүтээгдэхүүн үйлчилгээг төрөлжүүлэхэд анхаарч, ХҮН ТӨВТЭЙ, ИРГЭНДЭЭ ЗОРИУЛАГДСАН үйлчилгээний соёлыг нэвтрүүлэхэд улам илүү хичээл зүтгэл гаргаж ажиллах болно.

Хөгжлийн бэрхшээлтэй иргэддээ 50-90 хүртэлх хувийн тарифын хөнгөлөлт үзүүлнэ

Хөгжлийн бэрхшээлтэй иргэддээ 50-90 хүртэлх хувийн тарифын хөнгөлөлт үзүүлнэ