“Уур амьсгалын өөрчлөлт, цөлжилт, газрын доройтол хүнсний тогтолцооны тогтвортой байдалд үзүүлэх үр дагавар”
сэдэвт олон талын уулзалт өнөөдөр Дундговь аймгийн Өлзийт суманд зохион байгуулагдлаа.

Уулзалтад БОАЖ-ын сайд Б.Бат-Эрдэнэ, ГХ-ны сайд Б.Батцэцэг, ЕТГын дарга Я.Содбаатар, ХХААХҮЯ-ны ТНБ дарга Т.Жамбалцэрэн, Дундговь аймгийн Засаг даргын орлогч М.Анхбаяр болон НҮБ-ын суурин зохицуулагч Тапан Мишра, НҮБ-ын ХХААБ-ын суурин төлөөлөгч Винода Ахужа, НҮБ-Хүүхдийн Сангийн суурин төлөөлөгч ноён Эваристе Коуасси-Комлан Европын Холбооноос Монгол Улсад суух Онц бөгөөд Бүрэн эрхт Элчин сайд Аксель Никэйз болон бусад албаны хүмүүс байлцлаа.

НҮБ-ын ХХААБ нь өнгөрсөн 50 жилийн хугацаанд манай улсын хөдөө аж ахуйн үйлдвэрлэлийг нэмэгдүүлэх, хүнсний хангамж, аюулгүй байдлыг хангах чиглэлээр 200 гаруй төсөл, хөтөлбөр хэрэгжүүлсэн нь Монгол Улсын хүнс, хөдөө аж ахуй, хөнгөн үйлдвэрийн салбарын хөгжилд үнэтэй хувь нэмэр оруулсан билээ.
Уулзалтаар уур амьсгалын өөрчлөлт, цөлжилт, газрын доройто, хүнсний тогтолцооны асуудлаар олон чухал асуудлыг хэлэлцэж, тодорхой шийдлийг ярилцсан үр дүнтэй уулзалт боллоо.