Мал аж ахуй, газар тариалангийн үйлдвэрлэлийн үр ашиг, бүтээмжийг нэмэгдүүлэн, орон нутагт ажлын байр бий болгож нийгэм, эдийн засгийн хөгжилд хувь нэмэр оруулсан тэргүүний малчин, тариаланчдын амжилтыг үнэлэн 2025 онд Улсын аварга малчнаар 151, Улсын хошой аварга малчнаар 14, Улсын аварга саальчнаар долоон иргэнийг, Улсын аварга фермерээр 10 иргэн, аж ахуйн нэгжийг, Улсын аварга тариаланч хамт олноор 17 аж ахуйн нэгжийг, Улсын аварга тариаланчаар 23 хүртэлх иргэнийг тус тус шалгарууллаа. 

УИХ-ын гишүүн Б.Түвшин УВС нутгаас тодорсон аваргуудыг танилцуулав. 

Тэрбээр “XVII жарны "Элдэв эрдэнэт" хэмээх Могой жилийн сар шинийн босгон дээр хөдөлмөр зүтгэлээ төр засагтаа үнэлүүлж, баруун бүсийн УВС аймгаас тодорсон УЛСЫН ХОШОЙ АВАРГА МАЛЧИН, УЛСЫН АВАРГА МАЛЧИД, УЛСЫН АВАРГА ТАРИАЛАНЧИД, УЛСЫН АВАРГА ТАРИАЛАНЧ ХАМТ ОЛОН та бүхэндээ чин сэтгэлийн халуун баяр хүргэж, эрүүл энх, аз жаргал, сайн сайхан бүхнийг хүсэн ерөөе.

Улсын хошой аварга малчин :

- Өлгий сумын Чаргат багийн малчин Цэвээний Доржсүрэн

Улсын аварга малчин :

- Сагил сумын Өндөр мод багийн малчин Сүрэнжавын Батнасан

- Баруунтуруун сумын Баян-Айраг багийн малчин Норовын Цэрмаа

- Наранбулаг сумын Алдар багийн малчин Дэвээгийн Даваасамбуу

- Тэс сумын Нуур багийн малчин Чойжилын Ням-Оргил

- Хяргас сумын Хайрхан багийн малчин Дамиасүрэнгийн Баярсайхан

- Тариалан сумын Бургастай багийн малчин Салбаагийн Ядамцоо

- Өндөрхангай сумын Цалуу багийн малчин Чулуунбаатарын Галтбаатар

- Завхан сумын Хармагт багийн малчин Баасайн Аюурзана

- Бөхмөрөн сумын Хар алтат багийн малчин Цэвэгжавын Цэндсүрэн

- Зүүнхангай сумын Жаргалант багийн малчин Доржбалын Даваасамбуу

Улсын аварга тариаланч :

-Улаангом сумын иргэн Наржавын Басан

-Баруунтуруун сумын иргэн Мянганбаярын Болдбаатар

Улсын аварга тариаланч хамт олон :

- Баруунтуруун сумын “Уянга соёо” ХХК

Баруунтуруун сумын “Усжуулах” ХК

Ажилч хичээнгүй, малч УВСЧУУД та бүхэндээ үзэсгэлэнт Ханхөхий, Хархираа, Түргэний уулсынхаа авшиг ерөөлд өнөд ивээгдэж явахын өлзий дэмбэрэлтэй ерөөлийг өргөн дэвшүүлье” хэмээв.