Мал аж ахуй, газар тариалангийн үйлдвэрлэлийн үр ашиг, бүтээмжийг нэмэгдүүлэн, орон нутагт ажлын байр бий болгож нийгэм, эдийн засгийн хөгжилд хувь нэмэр оруулсан тэргүүний малчин, тариаланчдын амжилтыг үнэлэн 2025 онд Улсын аварга малчнаар 151, Улсын хошой аварга малчнаар 14, Улсын аварга саальчнаар долоон иргэнийг, Улсын аварга фермерээр 10 иргэн, аж ахуйн нэгжийг, Улсын аварга тариаланч хамт олноор 17 аж ахуйн нэгжийг, Улсын аварга тариаланчаар 23 хүртэлх иргэнийг тус тус шалгарууллаа. 

УИХ-ын гишүүн Б.Түвшин Говь-Алтай нутгаас тодорсон аваргуудыг танилцуулав. 

Тэрбээр “XVII жарны "Элдэв эрдэнэт" хэмээх Могой жилийн сар шинийн босгон дээр хөдөлмөр зүтгэлээ төр засагтаа үнэлүүлж, баруун бүсийн ГОВЬ-АЛТАЙ аймгаас тодорсон УЛСЫН АВАРГА МАЛЧИД, УЛСЫН АВАРГА ТАРИАЛАНЧИД та бүхэндээ чин сэтгэлийн халуун баяр хүргэж, эрүүл энх, аз жаргал, сайн сайхан бүхнийг хүсэн ерөөе.

Улсын аварга малчин 

1. Дарив сумын Ихэс багийн малчин Овгорын Мөнхбат
2. Халиун сумын Гүү баригч багийн малчин Халтарын Дамдиндорж
3. Төгрөг сумын Тунгалаг багийн малчин Дашбатжавын Нямсүрэн
4. Чандмань сумын Өлзийбулаг багийн малын Чилхаагийн Илдорж
5. Есөнбулаг сумын Баяншанд багийн малчин Нямжавын Бүүвэйбаатар
6. Тонхил сумын Тамч багийн малчин Жүгдэрийн Баатаржав
7. Эрдэнэ сумын Цагаан-Уул багийн малчин Жимэдмаагийн Жигмэд
8. Баян-Уул сумын Хайрхан багийн малчин Цэднээгийн Түмэннасан 

Улсын аварга тариаланч :

• Шарга сумын иргэн Очирбатын Амартүвшин

Ажилч хичээнгүй ГОВЬ-АЛТАЙЧУУД та бүхэндээ буянт мал нь бум хүрэхийн өлзийтэй ерөөлийг өргөн дэвшүүлье” хэмээв.