Хилийн боомтын тухай хуулийг УИХ батлан гаргах гэж байна. Ингэснээр мэргэжлийн хяналт, гааль, гадаадын иргэн харьяатын газрууд хил дээр тустай байртай ажиллахгүй нэгдсэн оффист сууж нэг цэгээр иргэдэд үйлчлэх юм. Ийнхүү зохицуулалт хийснээр төсөв мөнгө хэмнэх боломжтой гэж үзжээ.

Манай улсад хилийн боомтын асуудлаар тусгайлсан хууль байхгүй бөгөөд уг асуудлыг ОХУ, Хятадын засгийн газар хоорондын хэлэлцээр, хилийн тухай хууль, УИХ, засгийн газрын тогтоолоор зохицуулдаг байжээ. Өнөөдөр манай улсад нийт 46 боомт ажилладаг.

Хилийн боомт

Үүнээс ОХУ-тай 29 хэсэгт, Хятад улстай 13 хэсэгт, харин агаарын замын 4 боомт байдаг. Эдгээрийн 14 нь олон улсын, 11 нь хоёр талын байнгын ажиллагаатай, 14 нь хоёр талын түр буюу улирлын ажиллагаатай долоо нь дамжин өнгөрөх боомт юм байна.

УИХ-ын гишүүн Ж.Энхбаяр:

Боомтын нэвтрэх хүчин чадлын зохицуулах хөрөнгө оруулалтын асуудлыг шийдэхэд аль нэг байгууллагыг түшиглэж явдаг байсан. Боомт боомт дээр өөр өөр асуудал үүсээд байгаа.

Зарим боомтод гаалийн байгууллага дагасан хөрөнгө оруулалт хийгдээд, заримд нь мэргэжлийн хяналтыг түшиглэсэн хөрөнгө оруулалт хийгддэг жишээтэй. Мөн байгууллага болгон өөрийн бие даасан мэдээллийн сүлжээтэй нэгдсэн тайлан нь хоорондоо уялдаагүй байгаа нь боловсруулалт хийхэд хүндрэл учруулсан.

Өнгөрсөн засгийн газрын үед боомтын талаар баримтлах төрийн бодлого хэмээн гаргаж байсан нь өнөөдөр хууль болоод батлагдах шатандаа ороод байна.

Гол зохицуулалт нь тухайн харьяат, тусгай байгууллагууд бүгд нэгдсэн боомтын захиргаанд орно. Боомтын захиргаа нь тусгай албатыг ажиллах боломж, нөхцөлийг бүрдүүлнэ. Энэхүү зохицуулалтыг хийхэд орон тоо нэмэгдэхгүй төсөв хөрөнгийн хүндрэл гарахгүй.

Хилийн боомтын тухай хуулийг батална