Боловсрол, шинжлэх ухааны яамны хэрэгжүүлж байгаа "Авьяас" хөтөлбөрийн хүрээнд 2015 оны "Нисэх загварын чөлөөт нислэгийн дэлхийн аварга шалгаруулах тэмцээн" Монгол улсад болно.

Энэхүү тэмцээнийг угтан "Нисэх загвараар бага өсвөр насны хүүхэд, залуучуудын зохион бүтээх, техник сэтгэлгээг хөгжүүлэх төсөл"-ыг санаачлан 21 аймаг, есөн дүүргийн 3000 хүүхдэд "Flyer kids" анхан шатны сургалтыг явуулахаар шийдвэрлэсэн.

Өчигдөр нийслэлийн ерөнхий боловсролын сургуулиуд хичээлийн шинэ жилийн нээлтээ хийсэн.

Сүхбаатар дүүргийн 58-р сургуульд явагдаж эхэлсэн нисэх загварын чөлөөт нислэгийн сургалттай БШУ-ны сайд Л.Гантөмөр танилцаж, "Энэ бол хүүхдийн авьяасыг нээж, чадварыг нь хөгжүүлэх их хөдөлгөөн өрнөж байгаагийн нэгээхэн хэсэг нь" хэмээгээд тэдэнд амжилт хүслээ.