Их Британийн Гадаад Хэрэг, Хамтын Нөхөрлөлийн сайд Уильям Хэйг манай улсад айлчилж байна. Тэрбээр 50 жилийн дипломат харилцаатай хоёр орны хамтын ажиллагааг өргөжүүлэн тэлэхэд айлчлалын гол зорилго оршиж буйг онцоллоо.

Уильям Хэйг айлчлалынхаа хүрээнд боловсрол, цахилгаан, эрчим хүчний салбарт хамтран ажиллахаар болж, санамж бичгүүдэд гарын үсэг зурлаа. БШУ-ы яам дан ганц тэтгэлгээр бус сан байгуулах тухай ч ярьж байна.

БШУ-ы сайд Л.Гантөмөр: Их Британийн Засгийн газрын тэтгэлгээр хязгаарлагдахгүйгээр тэтгэлгийн санг хамтран байгуулах чиглэлээр ажиллаж байгаа. Энэ тэтгэлгийн ач холбогдол нь Их Британийн томоохон сургуульд суралцах боломж олдодгоороо давуу талтай.

Тэтгэлэг нь Их Британийн томоохон сургуульд суралцах боломж олдодгоороо давуу талтай.

Тэр бүр энгийн хандалтаар элсэхэд боломжгүй байдаг сургуулиудад монгол залуучууд явж суралцах боломжтойгоороо онцлогтой.

Тиймд бид чанартай сургуульд сайн боловсон хүчин бэлтгэх чиглэлээр тэтгэлгийн хөтөлбөрөө шинэчилж, өргөжүүлж байгаадаа баяртай байна гэлээ.

Санамж бичигт гарын үсэг зурсан эдгээр үйл явдал нь ирэх оны эхнээс хэрэгжиж эхлэх юм байна.

Их Британитай хамтран ажиллах санамж бичигт гарын үсэг зурлаа