Нийслэлийн Онцгой комиссын дарга Э.Бат-Үүлийн “Мал, амьтны гоц халдварт шүлхий өвчнөөс урьдчилан сэргийлэх ажлыг эрчимжүүлэх тухай” А/01 дүгээр тушаалын дагуу нийслэлд шүлхий өвчин зөөвөрлөгдөн орж ирэхээс урьдчилан сэргийлж автотехникийн шалган бүртгэх товчоод болон мал, түүний гаралтай түүхий эд борлуулдаг хүнс, түүхий эдийн захуудад тавих хяналт шалгалтыг эрчимжүүлээд байгаа юм. 

Автотехникийн шалган бүртгэх товчоод дээр  цагдаагийн алба хаагч, нийслэлийн Мэргэжлийн хяналтын газрын улсын байцаагчид 24 цагаар хяналт шалгалт явуулж байгааас гадна Багануур, Багахангай дүүргийн нутаг дэвсгэрт  24 цагаар хяналт шалгалтын цэг, баталгаат бус замууд дээр хяналтын хөдөлгөөнт эргүүл ажиллаж байна.

2014 оны  02 сарын  11-ний  мэдээгээр   Багануур, Багахангай, Баянзүрх, Эмээлт, Баруун туруун, Яармагийн  авто тээврийн  шалган  бүртгэх  товчоонд  24 цагийн  хяналт  шалгалт  хэрэгжүүлж 106 тээврийн  хэрэгсэл, 320  зорчигчийн  ачаа  тээшинд  үзлэг    хийж хөдөө  орон  орон  нутгаас  хот  руу болон  дамжин  өнгөрч  буй  малын  гаралтай  түүхий  эд,  бүтээгдэхүүнийг  шалгажээ.  

Энэ хугацаанд адууны  мах  15,95 тн,  үхрийн  мах  8,2 тн,  хонины мах  13,02 тн,  ямааны  мах  3,53 тн,  цагаан  идээ  2  тн,  хивэг  200 шуудай , үхрийн  шир  503 ш,  адууны шир 400 ш, ямааны  арьс  9521 ш ,  хэрэглэгээний  мод  408 м3 , тугал  11 толгой,  адуу  30 толгой  / Дорнод, Хэнтий  аймгаас  Архангай, Баянхонгор  луу  / явж байгаа  мал эмнэлэг, ариун цэврийн гарал  үүслийн  гэрчилгээтэй  малын  гаралтай  түүхий эд,  бүтээгдэхүүнийг  шалган  нэвтрүүлжээ.