Монголын Залуу эрдэмтдийн холбооноос санаачлан Боловсрол,  шинжлэх ухааны яам, Шинжлэх ухааны Академи, Шинжлэх ухаан технологийн сан болон их, дээд сургууль, эрдэм шинжилгээний байгууллагуудтай хамтран “Хүрэлтогоот-Залуу судлаачдын эрдэм шинжилгээний бага хурал”-ыг жил бүр уламжлал болгон зохион байгуулсаар ирсэн билээ. 

Энэ удаагийн бага хурал нийт зургаан сэдвээр өрнөж байна. Өнөөдөр Байгаль шинжлэлийн салбарын залуу судлаачид өөрсдийн илтгэлээ тавилаа. Нийт 21 илтгэл тавигдах ёстойгоос нэг оролцогч хүндэтгэх шалтгааны улмаа оролцсонгүй. Тэмцээний шүүгчдийн зүгээс залуу судлаачдын ур  чадвар жил ирэх бүр өсөж байгааг онцолсон юм.

Учир нь зарим оролцогчдын хувьд өөрсдийн судалгаа, шинжилгээний бүтээлээ гадны сэтгүүлд нийтлүүлж, Олон улсын мэргэжилтэн багш нараар үнэлүүлсэн нь тэдний ур чадвар хир хэмжээний түвшинд байгааг илтгэж байлаа.  

Өнөөдөр нийт 20 илтгэл тавигдлаа.

“Хүрэлтогоот-2014” хуралд салбар холбоо тус бүрээс эхний шатанд шалгарсан нийт 100 гаруй илтгэлийг хэлэлцүүлж шилдэг 12 залуу судлаач тус бүрт БШУ-ны Сайдын нэрэмжит 4 сая төгрөгийн судалгааны грантыг хурлын шүүгчдийн шийдвэрийг үндэслэн олгодог байна. Одоогийн байдлаар хоёр салбарын 4 оролцогч өөрсдийн бүтээлээ үнэлүүлээд байгаа юм. Маргааш технологийн салбарын илтгэлүүд ШУТИС дээр тавигдана. Ингээд тэмцээнд оролцогчид болон шүүгчдийн сэтгэгдлийг хүргэж байна.

Тэмцээнд оролцогч М.Мөнхшүр:

-Та өөрийгөө танилцуулахгүй юу ?

Намайг Мөнхшүр гэдэг. 

-Та “Хүрэл тогоот-2014”-д ямар сэдвээр илтгэл тавьж байна вэ ?

Товчхоноор хэлбэл “Тунгалаг дамжуулагчын хэрэглээ” гэсэн сэдвээр илтгэл тавилаа. Шинжлэх ухааны нэр нь өөр л дөө. Солонгос улсад нилээд  дэлгэрсэн салбар л даа.

Тэмцээнд оролцог М.Мөнхшүр

-Таны судалгааны сэдэв амьдралд хэрэглэгдэх боломж бий юу. Тэр тусмаа Монголд ?

Миний судалгаа нь ухаалаг гар утаснаас авахуулаад нарны зайн үүсгүүр хүртэлх бүтээгдэхүүн болон ашиглагдах боломжтой. Нэг үгээр хэлбэл хэрэглээнээс хамаарч аль нэг чиглэл рүү хөрвөх боломжтой гэсэн үг. Мэдээж үүнд зах зээл, эдийн засгийн судалгаа хэрэгтэй. Хэрэв хэрэглээнд гаргана гэж бодвол нилээн хэмжээний санхүүжилт хэрэгтэй болох байх

Тэмцээний шүүгч Доктор Ч.Алтаннар: Оролцогчдын хувьд түвшин нилээд ахисан

-Энэ удаагийн тэмцээний оролцогчдын ур чадвах хэр байна вэ ?

-Оролцогчдын хувьд түвшин нилээд өндөр болсон байна. Учир нь өөрсдийн бүтээлээ гадаад орны шинжлэх ухааны сэтгүүлүүдэд хэвлүүлчихсэн, олон улсын эрдэмтэн докторуудаар үнэлүүлсэн гэдэг нь их сайшаалтай байна. Энэ нь доктор болоогүй залуу судлаачдын хувьд маш том амжилт юм.

-Байгалийн ухааны салбар нь бусад салбараас ялгагдах онцлог нь юу вэ ?

Тэмцээний шүүгч Ч.Алтаннар

Суурь судалгаа ба практик судалгаа гэж хоёр хуваагддаг. Суурь судалгаа нь бол зөвхөн онолын түвшинд шинжилгээ хийдэг. Тэмцээнд оролцогчдын хувьд нэг хэсэг нь бүтээлдээ байгаа онолыг монголын түвшинд хэрхэн ашиглах талаас нь судалсан бол нөгөө хэсэг нь цэвэр онол талаас илтгэлээ бэлдсэн байна л даа

-Цаашдаа тэмцээнд оролцогчдын зүгээс юу дээр анхаарах хэрэгтэй вэ ?

Ер нь шинжлэх ухааны өгүүлэл бичих хэд хэдэн шаардлага, стандарт байдаг. Түүнийг хангах тал дээр жаахан дутмаг байна. Жишээ нь ашигласан материал, бүтээл хоёр нь нэг форматаар байхыг өөр өөрөөр хийсэн байх жишээтэй. Түүнчлэн тухайн сэдэв нь гадаадад хэр судлагдсан гэдгийг бүтээлдээ ашиглах хэрэгтэй л дээ.