Улс төр бужигнаж байгаа энэ үед УИХ-ын гишүүн С.Ганбаатар, М.Зоригт, А.Бакей, М.Сономпил нар Швейцарь улсыг зорьсон гэнэ.

Тэд тус улсын нутгийн өөрөө удирдах байгууллага, сонгуулийн тогтолцоо ямар байдгийг газар дээр нь очиж туршлага судалж байгаа аж. Уг нь УИХ-ын дарга З.Энхболд жилдээ хэд хэдэн удаа гишүүддээ албан томилолт өгч гадаад орнуудад туршлага судлуулахаар явуулдаг. Сүүлийн хоёр жил олон ч гишүүн ийш тийш аялангаа ажиллаад иржээ. Харин УИХ-ын дарга З.Энхболд “Анх удаа” С.Ганбаатар гишүүнд албан томилолт өгч, бие даагч гишүүн маань гадаад явж байгаа юм байна” гэжээ. Эрхэм гишүүд маргааш эх орондоо ирэх гэнэ.