Солонгос улсад элчин сайдаар томилох асуудал дуулиан тариад буй билээ. Б.Хурцыг томилох асуудлаар нийтийн сонсгол хийх эсэх яригдаад буй. Томилгооны сонсгол хийх нь хуулийн хүрээнд боломжгүй гэж байгаа. УИХ-ын гишүүд байр сууриа илэрхийллээ.

УИХ-ын гишүүн Ё.Баатарбилэг: УИХ-аас шууд томилогддог албан тушаалтан биш учраас нийтийн сонсголын тухай хуулиар явуулах боломжгүй. Хуулиар зохицуулагдаагүй асуудал учраас хуулиа л дагах хэрэгтэй. Гишүүдийг ашиг сонирхолын зөрчилтэй мэтээр харагдуулах гэж хичээх нь буруу юм.

УИХ-ын гишүүн Ц.Даваасүрэн: Сонсох хэрэгтэй, тэр хүний ярья гэсэн зүйлийг яриулах хэрэгтэй. Төрийн өндөр албан тушаалд ирчихээд хэдэн зуун тэрбум төгрөгийн асуудалтай холбогдчихоод шүүхээр шийдэгдээгүй гээд байж болохгүй шүү дээ.