Архангай аймгийн Боловсролын салбарын болон боловсролын байгууллагуудын удирдлагатай уулзаж, салбарын үйл ажиллагаа, төсөв, хөрөнгө оруулалт, цаашид хийж хэрэгжүүлэх ажлын талаар санал солилцлоо.

Мөн үеэр УИХ-ын гишүүний хувьд аймгийнхаа боловсролын салбарын үйл ажиллагааг дэмжих зорилгоор сүүлийн 3 жил дараалан санаачилж улсын төсөвт тусган батлуулж байгаа төслийн хүрээнд 2023 оны төсвийн хуулийн дагуу шийдэгдсэн 167 зөөврийн компьютерыг аймгийн сургууль, цэцэрлэгийн багш нарын албан хэрэгцээнд гардууллаа.

Жич: 2018 онд Архангай аймгийн Боловсролын чанарын үнэлгээ аймгуудын дунджаас доогуур “сүүл мушгиж” байсан бол 2022 оны байдлаар “айргийн тав” руу орсон байна.