УИХ-ын Хууль зүйн байнгын хорооны өнөөдрийн /2021,04,20/ хуралдаанаар Монгол Улсын Үндсэн хуулийн цэцийн 2021 оны 02 дугаар дүгнэлтийг сонслоо.

Гишүүд асуулт асуулт асуулаа.

УИХ-ын гишүүн Ц.Мөнхцэцэг:

Үндсэн хуулийн 64-1-т Монгол улсын Үндсэн хуулийн Цэц Үндсэн хуулийн биелэлтэд дээд хяналт тавих, түүний заалтыг зөрчсөн тохиолдолд дүгнэлт гаргах Үндсэн хуулиа чандлан сахиулах баталгаа мөн гэж заасан.2019 оны Үндсэн хуулийн нэмэлт өөрчлөлтөөр 32 дээр Монгол улсын Ерөнхийлөгчөөр 50 наас дээш сүүлийн 5 жилд байнга эх орондоо оршин суусан Монгол улсын уугуул иргэнийг 6 жилээр нэг удаа сонгоно гэж хуульчилсан.Ерөнхийлөгчийн тухай хуульд 6 жилээр нэг удаа гэсэн тодорхой заалтыг тусгаж өгөөгүй. Ийм учраас одоогийн ҮХ-ын заалтыг явцууруулаад одоогийн болон өмнөх Ерөнхийлөгч байсан хүмүүст дахин нэг дэвших боломжтой мэт ташаа ойлголт өгөхөөр хуульчилсан учраас ҮХ-ын Цэцийн дүгнэлтийг хүлээж авах ёстой.

Үндсэн хуулийн 70-1-т ҮХ хуульд нийцсэн зарлиг, төрийн байгуулалтын шийдвэр ҮХ-д бүрэн нийцсэн байна гэж заасан. Ийм учраас ҮХ зөрчсөн гэсэн үндэслэлээр Ерөнхийлөгчийн сонгуулийн тухай хуулийн тодорхой заалтуудыг өөрчлөх ёстой. Цэц хэн нэгэн хувь улс төрчийн болон хэн нэгний асуудлыг гаргаагүй, Үндсэн хуулийг сахиулах, Үндсэн хуулийн манаа гэдэг утгаараа шийдвэр гаргасан. Ийм учраас манай гишүүд улстөржүүлж тодорхой хүн уруу дайрахаа зогсоомоор байна.

УИХ-ын гишүүд Үндсэн хуулийг дагаж мөрдөх ёстой. Цэцийн дүгнэлтийг хүлээж авах хэрэгтэй.гэхдээ Үндсэн хуулийг зөрчсөн Ерөнхийлөгчийн үйлдэлтэй эвлэрэхгүй. Сонгуулиас өмнө Ерөнхийлөгчийн тухай хуульдаа өөрчлөлт оруулах ёстой.

Сэтгүүлч

Сэтгүүлч Ц.Соёлмаа soyolmaa@vip76.mn