2021.01.26

Б.Жаргалмаа: Хүүхдийн асрамж, хамгааллын асуудлыг анхаарах шаардлагатай

УИХ-ын Нийгмийн бодлогын байнгын хорооны өнөөдрийн /2021.01.26/ хуралдаан эхэллээ. Хуралдааны эхэнд Монгол Улсын Үндсэн хуулийн цэцийн 2021 оны 01 дүгээр дүгнэлтийг хэлэлцлээ. 

Дүгнэлттэй холбогдуулан УИХ-ын гишүүд асуулт асууж, санал хэллээ. 

УИХ-ын гишүүн Б.Жаргалмаа:

"Цэцийн энэ дүгнэлтийг зөв зүйтэй гэж үзэж байна. Төсвийн жил эхэлсэн. Төсөвт хэрхэн тусгай тухай бодох хэрэгтэй. Зохицуулалт байгаа бол зохицуулаад явах нь зүйтэй.

Орхигдсон байсан зүйл гэвэл МАН-ын мөрийн хөтөлбөрт 0-3 насны хүүхдийн асаргаанд онцгой анхаарах ёстой. Цаашлаад 3 хүүхэдтэй гэж тоо заадаг нь ямар учиртай вэ гэдэг асуудал гардаг. Үүнтэй адилхан эцэг, эх гэж хүйсээр ялгахгүй аль аль нь тэтгэмж авах ёстой.

Хуулийн зөрчилдсөн заалт нь хүүхдээ асархаас татгалзсан эцэг, эхийн тоо маш олон тоотой статистик бий. Нэгэнт хүүхдээ харахгүй архинд ороод явсан ээжүүд байдаг учраас хүүхдээ хараад үлдсэн аавууд яах вэ? гэдэг асуудал хөндөгддөг. Энэ цэцийн дүгнэлтээр уг асуудал шийдэгдэх боломжтой болж байгаа учраас дүгнэлтийг хүлээж авах саналтай байна."

Сэтгүүлч

Редактор Ц.Соёлмаа soko@vip76.mn