Оюуны өмчийн газар албан хаагч, ажилтныхаа хууль, эрх зүйн мэдлэг, мэдээллийг дээшлүүлэх ажлыг тогтмол зохион байгуулж байгаа бөгөөд өнөөдөр /2022.04.28/ Авлигатай тэмцэх газрын Урьдчилан сэргийлэх, соён гэгээрүүлэх хэлтсээс “Хувийн ашиг сонирхол” сэдвээр сургалт авав.

АТГ-ын комиссар Д.Балдандорж холбогдох хуулиар авлига, ашиг сонирхлын зөрчлөөс урьдчилан сэргийлэх, түүнээс ангид байх талаар нийтийн албан тушаалтны хүлээх үүрэг, хариуцлагын талаар мэдээлэл өгсөн ба албан хаагч, ажилтнууд сонирхсон асуудлаараа асуулт асууж, хариулт аван мэдлэг, мэдээллээ сэргээсэн үр дүнтэй сургалт боллоо.