Сонгинохайрхан дүүргийн 19-р хорооны 62-дугаар сургуулийн зүүн болон хойд хэсгийн талбайг тохижуулж, ногоон байгууламж, авто зогсоол хосолсон амралтын газар байгуулах санаачилгыг гарган тохижилт, бүтээн байгуулалтыг хэрхэн гүйцэтгэх талаарх төлөвлөгөөт ажлыг 2021 оны тавдугаар сард эхлүүлж байсан.

Харин өнөөдөр тус бүтээн байгуулалтын тохижилтын ажил 80 гаруй хувьтай үргэлжилж байна. Энэхүү тохижилтын ажил бүрэн дууссанаар 62-дугаар сургуулийн сурагчид, эргэн тойронд байрлах орон сууцны оршин суугчдын дунд амрах, салхилах, тоглох зэрэг хэрэгцээнд ашиглах юм. Мөн ногоон байгууламж, авто зогсоолын хүртээмжийг нэмэгдүүлэх, иргэдэд ээлтэй орчинг бүрдүүлэх зэрэг хэд, хэдэн ач холбогдолтой билээ.

Талбайн тохижилтын хувьд амрах модон сүүдрэвч 3, модон сандал 12, хогийн сав 7, явган зам 631.34 мкв, авто машины зогсоол, хөгжлийн бэрхшээлтэй иргэдийн авто машины зогсоол, зам талбайн гэрэлтүүлэг, ногоон байгууламж зэрэг байхаар төлөвлөгдсөн. Мөн ногоон байгууламжийн тохижилтын хүрээнд 774.87 мкв талбайг цэцэрлэгжүүлэх юм.