СХД-ийн санхүү төсвийг үр өгөөжтэй захиран зарцуулах, хууль тогтоомжийн хэрэгжилтийг хангах, төрийн бүтээмжийг дээшлүүлж, иргэдийн эрүүл, аюулгүй орчинд ая тухтай амьдрах орчин нөхцөлийг сайжруулах чиглэлд дэвшүүлсэн зорилтоо бодит ажил болгож 2024 онд хийж хэрэгжүүлсэн ажлаа дүгнэж, ирэх 2025 онд хийж хэрэгжүүлэх ажлаа төлөвлөн хэлэлцлээ.

Энэ үеэр дүүргийн Тамгын газрын дарга Д.Төмөрбаатар 2024 оны гүйцэтгэлийн тайланг танилцуулж, Дүүргийн Засаг дарга Ц.Баттөр нийт ажилтан албан хаагчдад амжилт хүсэж, баярын мэндчилгээ дэвшүүллээ.

Тэрбээр "Сонгинохайрхан дүүрэг 2024 оны гүйцэтгэлийн тайлангаараа бусад 8 дүүргээсээ хамгийн сайн үзүүлэлттэй нь байгааг Нийслэлийн Засаг даргын Тамгын газраас онцлон тэмдэглэж буй. Тиймээс та бид ирэх 2025 ондоо амжилтаа бататгаж, дэвшүүлсэн зорилтоо бодит ажил болгохын төлөө хамтдаа хичээн ажиллацгаая. Та бүхэн шинэ ондоо аз жаргал, эрүүл мэнд, амжилт бүтээлээр дүүрэн байхыг хүсэн ерөөе" гэв.

Сэтгүүлч

Сэтгүүлч Б.Хонгорсайхан