Дээрх шийдвэрийн дагуу НЗДТГ-аас цэцэрлэгүүдэд хүнс нийлүүлдэг ком­паниудад шалгалт хийсэн байна. Гэтэл цэцэрлэгийн хүүх­дийн хоолны мөнгийг нэмээд ч үр дүн өгөхөөргүй зөрчил илрүүлсэн нь хүнс ний­­лүүлэгч компаниуд бү­тээг­­­дэхүүнээ зах зээлийн үнээс 15-20 хувь илүү хан­шаар цэцэрлэгүүдэд шах­даг аж.

Тухайлбал, 200 хүүхэд­тэй цэцэрлэг нийлүүлэгч ком­паниас долоо хоногт 1.2 сая төгрөгөөр хүнс авдаг. Харин дээрх хэм­жээний хоол, хүнсийг бусад худалдааны төв, за­хуудаас 800 мянган төг­рөгөөр авах боломжтой бай­даг гэнэ.

Үүнээс гадна Эрүүл мэндийн сайдын тушаалаар хүүхдийн хоногийн хоолны норм, шим тэжээлийн илчлэгийг тогтоохдоо 4-6 насны хүүхдийн хоногт хэрэглэх махны хэмжээ 170 гр байх ёстой гэжээ. Гэтэл шал­гал­таар цэцэрлэгийн хүүхэд тус бүрт 40-50 гр мах ногдож буйг илрүүлсэн байна.

Эндээс харахад цэцэрлэг хэмээх боловсролын анхан шатны нэгж боловсролын салбарын үйл ажиллагаанаас гадуур байхын зэрэгцээ сургуулиудын адил ашигтай бизнесийн суурь болон хувир­чээ.