ХХААХҮ-ийн сайд Ж.Энхбаяр Монгол Улсын Ерөнхийлөгчийн Эдийн засгийн бодлогын зөвлөх Б.Даваадалайгийн хамт ХААН банк, “АПУ Дайри” ХХК-ийн төлөөлөлтэй уулзлаа.

Энэ үеэр сүүний аж ахуйг хөгжүүлэх, хамтын ажиллагааг өргөжүүлэх боломжийн талаар санал солилцсон байна. 

Уулзалтын үеэр ХААН банкны Гүйцэтгэх захирал Р.Мөнхтуяа тус салбарт хийсэн судалгааны үр дүн, хөдөө аж ахуйн салбарын аж ахуйн нэгжүүдэд олгох зээлийн хүртээмж, боломжийн талаар дэлгэрэнгүй танилцуулав.

“АПУ Дайри” ХХК-ийн Гүйцэтгэх захирал Г.Баярмагнай компанийн үйл ажиллагаа, цаашдын төлөвлөгөөг танилцуулж, сүүний чиглэлийн үхэр импортлох, малын тэжээл тариалах, импортлох, тоног төхөөрөмжийн шинэчлэл хийхээр зорьж буйгаа дурдав.

Түүнчлэн, яамны зүгээс газар тариалан, мал аж ахуй, хөнгөн болон хүнсний үйлдвэрийн салбарт хэрэгжүүлж буй бодлого, тэргүүлэх чиглэлийн талаар мэдээлэл өглөө.