Шинэ дэлхий телевизийн “Хөгжлийн тухай ярилцъя” нэвтрүүлэгт МАН-ын дүрмийн ажлын хэсгийн ахлагч Ж.Сүхбаатар уригдлаа.

Намын дүрэм гэдэг намын хариуцлага сахилга баттай холбоотой. Намын гишүүдийн намын үйл ажиллагаанд хэр оролцоотой байх хөшүүрэг болно гэж бодож байна. МАН дүрэмдээ өөрчлөлт оруулах шаардлага байгаа гэж бодож байна уу?

МАН-ын бага хурлаас 27-р ээлжит хурлыг товлосон хэлэлцэх асуудлыг зааж өгөөд үүнтэй холбоотой долоон ажлын хэсгүүдийг байгуулсан. Өргөн бүрэлдэхүүнтэй намын мөрийн хөтөлбөрт ажлын хэсэг ажиллаж байгаа. Манай ажлын хэсэг бол 50 орчим хүнтэй намын дүрмийг шинэчлэх зорилготой ажлын хэсэг байгаа. Ажлын хэсгүүд байгуулагдаад бараг сар гарны хугацаа өнгөрч байна.

Энэ хугацаанд бид намын үүрүүд дээр төслөө боловсруулж намын дэргэдэх байгууллага, аймаг нийслэлийн намын хорооны саналыг авч боловсруулсан. Сая намын их хурлын төлөөлөгч сонгох үйл ажиллагаа явагдаж дууссан. Ингээд давхар хэлэлцүүлэг явагдсан одоо 15-20-ны хооронд нэгэнт сонгогдсон их хурлын төлөөлөгч нар өргөн бүрэлдэхүүнтэй урьдчилсан шатны хэлэлцүүлэгт оролцоно. Учир нь 1134 төлөөлөгч 27-р их хуралд оролцох юм.

Энэ их хүн нэгдсэн хуралдаан дээр саналаа хэлээд явна гэдэг бол цаг хугацаа шаардах учир салбар хуралдаанд хувааж байгаа. Үе үеийн өнгөрсөн түүхээ аваад үзэхэд манай намын дүрэмд байнга өөрчлөлт оруулж ирсэн. Түүхэндээ хоёр удаа л сөрөг хүчин болж байсан. Гэхдээ намын хурал дээр тухайн цаг үеийг харгалзан дүрэмд өөрчлөлт ордог байсан. Одоо бидний хувьд өнгөрсөн оноос улс төрийн шинэ нөхцөл байдал гарч ирсэн.

Энэ бол МАН иргэний хяналтыг хэрэгжүүлэх улс төрийн үүрэгтэй болсон. Бид сонгуульд амжилтгүй оролцсон дүн гарлаа тиймээс илүү хурдан шуурхай ялагч нам болгоход дүрэмд ямар асуудал байгааг гаргах. Үүнд намын удирдлага зохион байгуулалт, санхүүжилт, байгууллагуудыг бэхжүүлэх, хүний нөөцийг сургах гэх мэт ажил байна гэж үзсэн. иргэний нийгэмтэй харилцах чиглэлд зарим зүйлийг тодотгох шаардлага бий.

Эрс өөрчлөлт хийхгүйгээр намын дүрэмд нэмэлт өөрчлөлт оруулах замаар зарим бэрхшээл хэт нарийн заалтуудыг өөрчлөх, тодорхой чиглэлүүдээр нам илүү шинэлэг арга барилд ажиллах боломжийг олгосон, намд уян хатан шуурхай байдал үүсгэсэн, намын байгуулалтыг бэхжүүлэх чиглэлд шаардлагатай зүйл байна гэдгийг манай ажлын хэсгээс гаргаж боловсруулсан, цаашдаа хэлэлцүүлнэ дахин хэлэлцүүлнэ аль болох явж явж хэдий чинээ их хэлэлцэнэ төдий чинээ нухацтай хандах болно.

Ингэснээр дүрэм чамбай гарна гэсэн үг. Гэхдээ нэг зүйлийг хэлэхэд дүрмээс болоод нам ялагдсан гэж хялбаршуулж бодохгүй, энэ нь намын үйл ажиллагаанд түлхэц өгсөн байх талаас нь анхаарч дүрэмд нэмэлт өөрчлөлт оруулж байгаа.

Ж.Сүхбаатар: МАН иргэний хяналтыг хэрэгжүүлэх улс төрийн үүрэгтэй