УИХ-ын Төсвийн байнгын хорооны дарга Ц.Даваасүрэн 2014 оны төсөв­тэй холбоотойгоор мэдээлэл хийв.

Тэрээр “2014 оных амьдралд ойрхон төсөв боллоо. Ту­хайл­бал, зэсийн үнэ 2013 онд 8100 ам.дол­лараар тооцож байсан бол 2014 онд 6200 ам.доллараар, боловс­руулсан нүүрсийг 160 ам.доллараар тооцдог байсныг 115 ам.доллараар тооцсон. Мөн ам.долларын ханшийг 1384-өөр төсөвт суулгасан нь ханш хөөрөг­дөхөөс  сэргийлсэн, цаашид валютын ханшийг буулгах Засгийн газрын бодлогын илрэл. Энэ утгаараа хөрсөн дээр буусан сайн төсөв боллоо” гэж хэллээ.

Өмнөх жилийн төсөвт хөөстэй хөрөнгө оруулалтын зардал суудаг байсан. Энэ удаа шүүсийг УИХ нэлээд сайн шахсан. Өөрөөр хэлбэл, төсөвт өртөг нь өссөн барилгуудыг аудитаар хянуулахаар болсон. Ирэх оны гурав­дугаар сард  аудит хянаж дуусаад УИХ-д оруулж ирнэ. Дараа нь, төсөвт тодотгол хийж хөрөнгө оруулалтын зардлыг шийдээд явах боломжтой.

Харин оюутны тэт­гэл­гийн тухайд 2013-2014 оны хи­чээлийн жилд оюутнууд 70 мянган төгрөгөө авна.

2014 оны төсөвт тусгасан бас нэг онцлог нь цалин, тэтгэвэр. Тодруул­бал,  цалин тэтгэвэр нэмэхтэй хол­боо­тойгоор эх үүсвэрийг нь суулгаж өгснөөс бус хувь заагаагүй. Хувь заахаар бизнесийн салбарт дарамт учруулдаг гэнэ. Жишээлбэл, цалин, тэтгэврийг 10 хувиар нэмнэ гэхээр бизнесийн салбарынхан мөн ажилч­дынхаа цалинг 10 хувиар нэмэх болдог.

Улмаар энэ нь бараа бүтээг­дэхүүний үнийн өсөлтөд нөлөө үзүүл­дэг. Тийм учраас цалин, тэтгэв­рийн нэмэгдэх хувийг УИХ-аас заагаа­гүй. Харин төсвийн хэрэгжилтийн явцад цалин, тэтгэврийг инфляцын  төв­шинтэй нь уялдуулж чимээ шуу­гиангүйгээр, улстөржилгүйгээр ший­дээд явах үүргийг Засгийн газар хүлээсэн байна.

Харин оюутны тэт­гэл­гийн тухайд 2013-2014 оны хи­чээлийн жилд оюутнууд 70 мянган төгрөгөө авна. Ирэх оны намраас буюу 2014-2015 оны хичээлийн жилээс эхэлж тодорхой шалгуур тавьж оюутны тэтгэлэг олгох болсныг онцлов.