Нэвтрүүлгээ бид хөдөө орон нутгаар ирсэн нэгэн мэдээллээр бэлтгэлээ. Архангай аймгийн Тариат суманд ашиглалтад орсон нэгэн эмнэлэгийн талаар танилцуулъя. Өнгөрсөн найман сард шаваа тавьж байсан 20 ортой энэ эмнэлэг гуравхан сарын дотор баригдаж сумынхаа ард иргэдэд үйлчилж эхэлжээ.

Архангай аймгийн Эрүүл Мэндийн Газрын дарга Р.Гандиймаа:

Тариат сумын хүн эмнэлэг нь тойргийн зургаан сумдын нийт 23 000 хүнд үйлчилдэг. 1,2 тэрбум төгрөгөөр эмнэлэгийн барилгыг барьж дуусгалаа. Гүйцэтгэгч ажлаа хугацаанд нь хийлээ.

Эрүүл Мэндийн Сайд Н.Удвал:

Найман аймгийн 10 гаруй сумаар явж ажиллалаа. Энэ удаагийн хөдөө орон нутгийн томилолт маань нэгдүгээрт, эрүүл мэндийн шинэчлэлийн бодлого хөдөө орон нутагт хэрхэн үр дүнгээ өгч байна, хоёрдугаарт, эх нялхсын эндэгдлийн асуудал ямар байна, гуравдугаарт, эмнэлэгийн багаж, тоног төхөөрөмж, барилаг байшин, тээврийн хэрэгсэл, эмч нарын хүрэлцээ зэрэг хөрөнгө оруулалтын байдал ямар байна гэдгийг судлах зорилготой юм. Хамгийн сүүлд Тариат суманд очиж 2013 оны анхны хөрөнгө оруулалтыг хүлээж авлаа.

Найман аймгийн 10 гаруй сумаар явж ажиллалаа.

Хөдөө орон нутгийн алслагдсан сумдын иргэдэд хүрч үйлчлэхэд энэ эмнэлэг их тус хүргэнэ. Сэтгэл зүтгэл, сайн зохион байгуулалттай байвал ямар ч ажлыг богино хугацаанд хийж болдог гэдгийг Тариатын эмнэлэгийн жишээ харуулж байна. Эрүүл мэндийн салбарт үлгэр дууриал болохуйц энэ мэт ажил олон байна. Улаанбаатар хотод баригдаж байгаа эмнэлэгийн зарим барилгын ажилтай бид танилцлаа. 2013 онд тендер нь зарлагдсан Сэтгэцийн Эмгэг Судлалын Үндэсний Төвийн барилга, Цус Сэлбэлт Судлалын Үндэсний Төвийн барилга, Баянголд дүүрэгт баригдаж байгаа 100 ортой эмнэлэгийн барилгын ажилтай танилцлаа.

Цус Сэлбэлт Судлалын Үндэсний Төвийн ерөнхийлөгч Н.Эрдэнэбаяр:

Манай барилгыг туршлагатай хоёр компани барьж байна. Шаардлагатай хөрөнгийг улсын төсөвт суулгаж өглөө. Төвийн шинэ барилга маань сүүлийн үед хэрэгцээ нь өсч байгаа цусан бүтээгдэхүүний хэрэгцээг хангах, хамгийн гол харилцагч болох донорууддаа үйлчлэх, сургалт семинар зохион байгуулахад шаардлагатай бүх тоноглолоор хангагдсан, цусны лаборатори, агааржуулалтын систем бүхий барилга байх болно. Ингэснээр бид 2018 он гэхэд олон улсад магадлан итгэмжлэгдэнэ. Энэ зорилтын дагуу бид сүүлийн хоёр жилд эмч мэргэжилтнүүдээ бэлдэх, шинэ техник технологийг нэвтрүүлэх зэрэг ажлыг эрчимтэй явуулж байна.

Эрүүл Мэндийн Сайд Н.Удвал хөдөө орон нутагт хийсэн томилолтоос