Наймдугаар хорооны хувьд хүн амын тоогоороо удахгүй 15 мянгын босгыг давах өнөр хороо юм.

Цогцолбор байранд хороо, өрхийн эмнэлэг, цагдаагийн хэсэг байрлахаас гадна хорооныхоо иргэдэд зориулсан хурлын танхим, чийрэгжүүлэлтийн өрөөтэй болж тохижжээ. Ингэснээр хорооныхоо иргэдэд төрийн үйлчилгээг шуурхай, хүртээмжтэй хүргэх боломжтой боллоо хэмээн 8 дугаар хорооны Засаг дарга А.Бямбадолгор хэлж байлаа.

Шинэчлэлийн Засгийн газрын мөрийн хөтөлбөрт нийслэлийн хороо бүрийг цогцолбор байртай болгохоор зорьж байгаа. Энэ дагуу өнөөдрийн байдлаар Баянзүрх дүүргийн 28 хорооноос 27 нь цогцолбор байртай болоод байгаа юм.

Баянзүрх дүүргийн 8 дугаар хороо модон морин жилийнхээ босгон дээр нээлт хийлээ

Баянзүрх дүүргийн 8 дугаар хороо модон морин жилийнхээ босгон дээр буюу 2014.01.24-ны өдөр шинэ цогцолбор байрныхаа нээлтийг хийлээ. Нээлтийн ажиллагаанд НИТХ-ын Тэргүүлэгч гишүүн Б.Отгонбаяр, дүүргийн ИТХ-ын дарга Ц.Батхүү, тус хорооны төлөөлөгч, Эдийн засаг, хөгжлийн асуудал хариуцсан Засаг даргын орлогч С.Гантулга, Хөдөлмөр эрхлэлт, нийгмийн хөгжлийн асуудал хариуцсан Засаг даргын орлогч Т.Баясах болон хороо, өрхийн эмнэлгийн хамт олон, иргэд оролцсон юм.