Хөдөлмөрийн яамнаас санаачлан ажил олгогчдын захиалга, эрэлт хэрэгцээнд тулгуурлан “Үндэсний мэргэжилтэй ажилтан бэлтгэх хөтөлбөр”-ийг хэрэгжүүлж байна.

Энэ жилийн хувьд хөтөлбөрт 7000 гаруй иргэнийг хамруулж мэргэжилтэй ажилтан бэлтгэхээр төлөвлөөд байгаа юм. Энэ хүрээнд мэргэжил сургалт үйлдвэрлэлийн төвүүдийн тоог нэмэгдүүлэх, техник тоног төхөөрөмж, багш боловсон хүчнээр хангах асуудалд анхаарал хандуулж байгаа юм. Монгол улсын засгийн газар Энэтхэг улсын засгйин газар хоорондын хамтын ажиллагааны хүрээнд монгол улсад техникийн боломжыг хөгжүүлэх хамтын ажиллагааг эхлүүлсэн.

Энэ хүрээнд өнөөдөр Ражив Гандийн нэрэмжимт үйлдвэрлэл урлалын политехник коллежид Энэтхэг улсаас хэвлэлийн тоног төхөөрөмжийг хүлээлгэн өглөө. Ингэснээр тус политехникийн коллежийн сургалтын орчин сайжирч, үндэсний мэргэжилтэй ажилтнууд бэлтгэх цаашлаад, хэвлэлийн үйлдвэрлэл үйлчилгээ явуулах нөхцөл бүрдэж байгаа юм. Өнөөдөр салбарын сайд болон энэтхэг улсын хүнд аж үйлдвэрийн яамны төлөөлөл Үйлдвэрлэл урлалын политехникийн коллежд тоног төхөөрөмжийг албан ёсоор хүлээлгэн өглөө.

Үйлдвэрлэл урлалын политехникийн коллежийн хувьд 50 гаруй жилийн түүхтэй сургууль

Үйлдвэрлэл урлалын политехникийн коллежийн хувьд 50 гаруй жилийн түүхтэй сургууль бөгөөд өнгөрсөн хугацаанд оёдол, барилгын цахилгаан, авто, уул уурхайн чиглэлээр мэргэжилтэн бэлтгэж иржээ. Харин одоо орчин үеийн тоног төхөөрөмжөөр бүх төрлийн хэвлэх үйлчилгээг үзүүлэх боломжтой боллоо. Оюутнууд өөрийн сургууль дээрээ дадлагаа хийх цаашлаад ажлын байраар хангагдах нөхцөл бүрдэж байгаа юм байна. Ер нь хөдөлмөрийн зах зээл дэх эрэлт хэрэгцээгээ нарийн тооцож, судалсаны үр дүнд мэргэжилтэн бэлтгэх нь чухал юм. Тиймээс Үндэсний мэргэжилтэй ажилтан бэлтгэх хөтөлбөрт хамрагдаж байгаа хүмүүс нийгэмд эрэлт хэрэгцээтэй мэргэжлүүдээр суралцаж байгааг салбарын сайд онцолсон.  

Дээр нь суралцах хугацаандаа тодорхой хэмжээний тэтгэмж авахын зэрэгцээ ажлын байраар хангахдах юм. Ямартай ч өнөөдөр үйлдвэрлэл урлалын политехникийн коллеж орчин үеийн хэвлэлийн тоног төхөөрөмжөөр хангагдлаа. Энэ нь Монгол энэтхэг хоёр улсын хамтын ажиллагаа хүрээнд хэрэгжих төслийн эхний шат бөгөөд цаашдаа бусад төрлийн тоног төхөөрөмжөөр хангаж сургалтын орчныг илүү боловсронгуй болгох юм байна.