УИX- ын гишүүн О.Баасанхүүгээс дараах тодруулгыг авлаа.

-Та Х.Тэмүүжин сайдыг огцруулах тогтоолын төслийг өргөн барьж, УИХ- аар удтал хэлэлцсэний эцэст, асуудал шийдэгдэх мөчид эргүүлэн татлаа. Ямар шалтгаантай юм бэ?

-Энэ асуудал яагаад сунжирсан бэ гэдгийг олон нийт ойлгох хэрэгтэй. Учир нь асуудлыг хэлэлцэх хуулийн хугацаа нь 14 хоног байдаг. Эхний долоо хоногт байнгын хороо дараагийн долоо хоногт нэгдсэн чуулганаар хэлэлцээд шийдвэрийг гаргах ёстой. Гэтэл АН тав, МАН тав хоногийн завсарлага авсан бол үлдсэн 21 хоногийг нь Х.Тэмүүжин сайд өөрөө авсан гэж болно. Тодруулж хэлбэл УИХ-ын гишүүн, Засгийн газрын гишүүнийг тагнаж, чагнасан бол мөрдөн шалгах ажиллагаа 21 хоног явагддаг. Хууль бусаар тагнаж, чагнасан уу гэдгийг нь тодруулахын тулд асуудлыг хэлэлцэлгүй хууль зөрчин ухраасаар байсан. Мөн эргүүлэн татсан гэдэг асуудал байгаа. Би тодорхой чиглэлээр асуудлыг хөндсөнийг хүмүүс мэднэ. МRI аппарат, эмнэлэг, твиттер, хүүхэд үрчлүүлсэн гэх мэт. Энэ дөрвөн асуудал хаалттай хуралдах шалтгаан биш.

Түүхэнд анх удаа Цагдаагийн газрын дарга, Улсын ерөнхий прокурор, Тагнуулын газрын дарга нь хамт ирж УИХ-д мэдээлэл хийсэн. Тухайн үед албаны хүмүүсийн өгсөн мэдээллээс улбаалаад огцруулах үндэслэлээ нэмэх шаардлага байгаа юм байна гэж харсан. Миний хийсэн дүгнэлтээр Х.Тэмүүжин сайдтай холбоотой асуудлуудыг хаалттай хэлэлцэж болохгүй юм байна гэж үзсэн. Тиймээс нэг мөр ойлголтыг олон нийтэд өгөхийн тулд горимын санал гаргаж, асуудлаа дахин цэгцлээд оруулж ирье гэсэн. Хуульд тийм үндэслэлээр горимын санал гаргаж болохгүй. Гагцхүү тогтоолын төслөө эргүүлэн татаж дахин боловсруулаад УИХ-д оруулж ирдэг. Хуулийн дагуу л ийм асуудал үүсч байна.

-АН, МАХН-ын хооронд байгуулсан санамж бичгийн хүрээнд таныг тогтоолын төслөө эргүүлэн татаж байгаа гэж яригдаад байна?

МRI аппаратын асуудлыг хөндөж өргөн бариагүй бол хэн ч мэдэлгүй өнгөрөх байсан.

-Ерөнхий сайд Н.Алтанхуяг манай намын дэд дарга Д.Тэрбишдагватай гэрээ хийсэн юм байна. Тэнд “Сайд нартай холбоотой асуудлаа нам дотроо шийдмээр байна. Боломж олгооч ээ” гэсэн утгатай зүйлийг бичсэн байсан. Манайхан хүлээн зөвшөөрсөн юм байна. Н.Алтанхуяг сайдтай уулзаж өөрт нь асуудлыг танилцуулсан. Би “Танай хүн чинь ёс зүйгүй шүү. Ерөнхий сайдын хувьд Х.Баттулга сайдын асуудлыг хэлэлцсэн. Тиймээс эхлээд Засгийн газар нь хүндээ хариуцлага тооц. Хэлэлцэхгүй бол би дахиад өргөн барина” гэдгийг нь хэлсэн. Би эргэж бусгаад байгаа юм биш. Шууд хэлбэл баримт материалуудаа өнөөдөр ч цуглуулсаар байгаа. Хууль зүйн сайдын талаар тайлбар авахаар АТГ-т хандахад “Нийслэлийн прокурорын газарт хандахыг зөвлөсөн албан тоот ирүүлсэн. Тэгэхээр нийслэлийн  прокурорын газарт хандаж тайлбар авах шаардлага байгаа биз. Нөхцөл байдал ийм байдалтай байгаа учраас түр хойшлуулах шаардлага гарсан.

-Тэгэхээр намуудын хооронд хийсэн гэрээг та барьж ажиллахгүй гэсэн үг үү?

-Энэ бичгийг дагаж мөрдөх, дагаж мөрдөхгүй байх нь асуудлыг гол биш. Миний асуудлыг яриад байгаа нь Х.Тэмүүжинг огцруулахдаа биш. Мууг нь үзэх гээд байгаа юм биш. Харин шийдүүлэх гээд байгаа асуудал бол эмнэлэг, эмнэлгийн аппарат. Түүнээс гадна АН үнэхээр хариуцлагатай байж Х.Тэмүүжингийн гаргасан алдааг засч байвал миний өргөн барьсан тогтоолын төсөл биеллээ оллоо гэсэн үг. Ядаж л Х.Тэмүүжин салбарынхаа ажилтнуудаас уучлал гуйх ёстой. Ер нь ч тэгээд би  МRI  аппаратын асуудлыг хөндөж өргөн бариагүй бол хэн ч мэдэлгүй өнгөрөх байсан. Анх Х.Тэмүүжин юу ч эвдрээгүй гэж хариулж байсан бол дараа нь 400 орчим сая төгрөгийн акт тавигдаад л гараад ирсэн ш дээ. Энэ чинь аппарат эвдэрснийг гэрчилж, 3.2 тэрбум төгрөг шатсаныг нотолж байгаа хэрэг биз дээ.

-Бас Х.Тэмүүжин сайдыг салбарынхаа ажилтнуудаас хүлцэл өчвөл тогтоолын төслөө эргүүлэн татна гэсэн байх аа. Хүлцэл өчсөн үү?

Монголын эдийн засгийн хямрал бүр муудсан гэдэг яриаг гаргахгүйн тулд би тэдэнд бололцоо олгож байгаа юм.

-Ямар ч байсан хүлцэл өчсөн. Гэхдээ надаас биш салбарынхаа ажилтнуудаас гэдгийг ярьсан. Долдугаар сарын 1-ний гэх хэргээр цагдаа, ард түмэн гэж хоёр хуваагдсан. Цагдаагийн байгууллага руугаа дайрч, доромжилж, гүтгэх ажлыг Хууль зүйн сайд нь хийгээд байвал ёс зүйгүй.

-Тогтоолын төсөлд нэмэлт оруулсны дараа дахин өргөн барина гээд байна. Яг ямар асуудлуудыг нэмж тусгах юм бэ?

-Хаалттай хуралдахад яригдсан асуудлуудыг нэмнэ. Гэхдээ хаалттай хуралдааны үед яригдсан асуудлуудыг би олон нийтэд мэдээлэх эрхгүй учраас юун тухай нэмэх гэж байгаагаа одоогоор хэлж болохгүй байна. Хаалттай хэлэлцүүлэхгүй байх тухай ч хөндөж магадгүй.  Хоёрдугаарт  нь АТГ-аас ирсэн бичгийн дагуу тодруулаад асуудлыг оруулна. УИХ-ын гишүүнийг тагнасан бол тагнасан хүмүүс нь, худлаа хэлсэн бол Х.Тэмүүжин хариуцлагаа хүлээх ёстой. Үүнийг нэг талд нь гаргана. Энэ мэтээр олон асуудал байгаа.

-Засгийн газар нь гишүүндээ хариуцлага тооцох, авч хэлэлцэх боломжийг нь олгож байна гэсэн. Ямар хугацааг санал болгож байгаа юм бол?

-Цаад тал нь 100 хоног, наад тал нь 10 хоног байгаа. Яагаад гэвэл нэг сайдаас болж Монголын эдийн засгийн хямрал бүр муудсан гэдэг яриаг гаргахгүйн тулд би тэдэнд бололцоо олгож байгаа юм. Шууд хэлбэл “Манай нэг сайдыг огцруулснаас болж эдийн засгийг идэвхижүүлэх хөтөлбөр зогссон” гэдэг шалтаг гаргахгүйн тулд.

-АН, МАХН-ын хооронд байгуулсан санамж бичиг, гэрээг юу гэж дүгнэж байгаа юм?

-“Шударга ёс” эвслийн бүлгээс АН-д ямар шаардлага тавьж байгаа вэ гэвэл бид засгийн эрхийг хамт барьж байгаа. Сайн ажиллаж байгаа бол гавьяаг нь хамт, муу ажиллаж байгаа бол гайг нь хамт үүрье л гэж байгаа. Би сайд нарт асар их шүүмжлэлтэй хандаж байгаагаас өөрийн намаас томилогдсон нөхдүүдэд бүр ч их шүүмжлэлтэй хандаж байгаа. Зөвхөн Ерөнхий сайдыг харж амьдардаг юм шиг аяглаж байна. Жишээлбэл, эрүүл мэнд, эдийн засаг, мэргэжлийн хяналт, Онцгой байдлын асуудлаар худлаа ажилласан дүр үзүүлж байгааг нь би мэдэж байгаа. Тиймээс эвслийг бүрдүүлэгч намууд бүдүүн бүлэг хэлбэрээр шийдлийг олохын тулд хуралдах ёстой. Энэ бүхэн зөвхөн намуудын бус нийт Монголын асуудал учраас тэр