Хүүхдийн мөнгийг эргэн олгох нь зүйтэй гэдэг дээр гишүүд санал нэгдээд байгаа. Иймээс ч Хүүхдийн мөнгийг олгох тухай хуулийн төсөл санаачлах ажлын хэсэг байгуулагдсан. Энэхүү ажлын хэсгийнхний хэлж буйгаар хүүхдийн мөнгийг ялгаварлан олгох нь зүйтэй гэж үзжээ. Энэ талаар УИХ-ын гишүүн Д.Оюунхорлоос тодрууллаа.

-Хүүхдийн мөнгийг эргэн олгохоор балж буй нь сайшаалтай. Харин ялгаварлан олгох нь зүйд нийцэх үү?

-Өнөөдөр хүмүүсийн амьдралын түвшин тэр дундаа хүүхдийн эрх зөрчигдөх болжээ. Энэ асуудлыг хүүхдийн мөнгийг эргэн олгосноор зохицуулж болох юм гэж үзэн хуулийн төсөл санаачлахаар ажиллаж байна. Гэхдээ хавтгайрсан хэлбэрээр нь бус. Харин нийгмийн халамжит хэсэгт нь өгье. Өөрөөр хэлбэл, халамж хүртэх ёстой хэсэг байна шүү дээ. Тэр хүмүүст нь зориулж ялгавартай олгоё гэсэн бодлогыг баримтлаж хуулийн төслийг хийж байна.-Ялгавартайгаар олговол төсвийн мөнгө хумигдах нь мэдээж байх. Хэчнээн хүүхэд хасагдах бол?-Өмнө нь авч байсан хүүхдүүдийн ойролцоогоор 50 хувь нь л энэ халамжид багтах юм билээ. Ингэхээр жилд 50 тэрбум төгрөг л шаардлагатай болно. Үүнийгээ энэ удаагийн төсөвт суулгах хэрэгтэй. Өөрөөр хэлбэл үлдсэн хагас жилд төсвийн тодотголд 25 орчим тэрбум төгрөг суулгаж өгнө гэсэн үг. Үгүй юм аа гэхэд, аравдугаар сарын 1-ээс өгч болно шүү дээ. Хэрэв тэгвэл 12.5 тэрбум төгрөг суулгахад асуудлыг шийдвэрлэх боломжтой. Хүүхдийн сурах эрхийг төрөөс хангахад тусламж дэмжлэг үзүүлэх нь зүй юмаа гэсэн үүднээс энэ асуудлыг оруулж ирж байгаа.

-Хүүхдийн мөнгөө аваагүй хүмүүс дээр үндэслэж ийм алхам хийсэн юм уу?

-Ялгавартай олгох гэдгийн цаана хүүхдийн мөнгийг авдаггүй тодорхой хэсэг бүлэг байсан. Төсвийн үлдэгдэл нь ойролцоогоор 20 тэрбум төгрөг аваагүй үлдсэн. Тэгэхээр авдаггүй хэсэг нь мэдээж боломжийн амьдралтай, тэр мөнгийг авах гэж хөөцөлдөж явдаггүй, тэгэх ч шаардлагагүй бүлэг байна. Иймд заавал нийтэд нь өгнө гэж хууль гаргачихаад суугаад байгаа нь буруу. Ялгавартай олгох нь илүү зохимжтой, шударга юм.

-Ялгавартай гэхээр мэдээж ядуу өрх багтана байх?

-Нэн ядуу, ядуу, орлогогүй хүмүүс их байна. Тэр дундаа өрх толгойлсон олон хүүхэдтэй эхчүүд ажил хөдөлмөр эрхэлж чаддаггүй. Өрхийн бодит орлого байхгүй гэсэн үг. Тэр хэсэгт л ялгавартайгаар өгөх юм.

-Анх хүүхдийн мөнгө олгохдоо мөн л ялгавартай гэж байсан. Гэтэл ар өврийн хаалгаар авах нь элбэг болсон шүү дээ. Үүнээс сэргийлэх ямар бодлого тусгагдах вэ?

-Манайд хуулиа дагаад сөрөг гардаг нэг үзэгдэл бий. Ар өврийн хаалгаар хамрагдах гэдэг. Үүнийг болиулчихмаар байгаа юм. Нэг үгээр хэлбэл, ухамсараараа л больчих хэрэгтэй. Халамжийг авах ёстой эзэд нь л хүртээсэй гэж бодож байна. Ялгаж салгахыг хуулиар зохицуулчихаж болно.Л.НинжсэмжидД.Оюунхорол: Хүүхдийн мөнгийг ялгавартайгаар олгоноХүүхдийн мөнгийг эргэн олгох нь зүйтэй гэдэг дээр гишүүд санал нэгдээд байгаа. Иймээс ч Хүүхдийн мөнгийг олгох тухай хуулийн төсөл санаачлах ажлын хэсэг байгуулагдсан. Энэхүү ажлын хэсгийнхний хэлж буйгаар хүүхдийн мөнгийг ялгаварлан олгох нь зүйтэй гэж үзжээ. Энэ талаар УИХ-ын гишүүн Д.Оюунхорлоос тодрууллаа.

-Хүүхдийн мөнгийг эргэн олгохоор балж буй нь сайшаалтай. Харин ялгаварлан олгох нь зүйд нийцэх үү?

-Өнөөдөр хүмүүсийн амьдралын түвшин тэр дундаа хүүхдийн эрх зөрчигдөх болжээ. Энэ асуудлыг хүүхдийн мөнгийг эргэн олгосноор зохицуулж болох юм гэж үзэн хуулийн төсөл санаачлахаар ажиллаж байна. Гэхдээ хавтгайрсан хэлбэрээр нь бус. Харин нийгмийн халамжит хэсэгт нь өгье. Өөрөөр хэлбэл, халамж хүртэх ёстой хэсэг байна шүү дээ. Тэр хүмүүст нь зориулж ялгавартай олгоё гэсэн бодлогыг баримтлаж хуулийн төслийг хийж байна.

-Ялгавартайгаар олговол төсвийн мөнгө хумигдах нь мэдээж байх. Хэчнээн хүүхэд хасагдах бол?

-Өмнө нь авч байсан хүүхдүүдийн ойролцоогоор 50 хувь нь л энэ халамжид багтах юм билээ. Ингэхээр жилд 50 тэрбум төгрөг л шаардлагатай болно. Үүнийгээ энэ удаагийн төсөвт суулгах хэрэгтэй. Өөрөөр хэлбэл үлдсэн хагас жилд төсвийн тодотголд 25 орчим тэрбум төгрөг суулгаж өгнө гэсэн үг. Үгүй юм аа гэхэд, аравдугаар сарын 1-ээс өгч болно шүү дээ. Хэрэв тэгвэл 12.5 тэрбум төгрөг суулгахад асуудлыг шийдвэрлэх боломжтой. Хүүхдийн сурах эрхийг төрөөс хангахад тусламж дэмжлэг үзүүлэх нь зүй юмаа гэсэн үүднээс энэ асуудлыг оруулж ирж байгаа.

-Хүүхдийн мөнгөө аваагүй хүмүүс дээр үндэслэж ийм алхам хийсэн юм уу?

-Ялгавартай олгох гэдгийн цаана хүүхдийн мөнгийг авдаггүй тодорхой хэсэг бүлэг байсан. Төсвийн үлдэгдэл нь ойролцоогоор 20 тэрбум төгрөг аваагүй үлдсэн. Тэгэхээр авдаггүй хэсэг нь мэдээж боломжийн амьдралтай, тэр мөнгийг авах гэж хөөцөлдөж явдаггүй, тэгэх ч шаардлагагүй бүлэг байна. Иймд заавал нийтэд нь өгнө гэж хууль гаргачихаад суугаад байгаа нь буруу. Ялгавартай олгох нь илүү зохимжтой, шударга юм.

-Ялгавартай гэхээр мэдээж ядуу өрх багтана байх?

-Нэн ядуу, ядуу, орлогогүй хүмүүс их байна. Тэр дундаа өрх толгойлсон олон хүүхэдтэй эхчүүд ажил хөдөлмөр эрхэлж чаддаггүй. Өрхийн бодит орлого байхгүй гэсэн үг. Тэр хэсэгт л ялгавартайгаар өгөх юм.

-Анх хүүхдийн мөнгө олгохдоо мөн л ялгавартай гэж байсан. Гэтэл ар өврийн хаалгаар авах нь элбэг болсон шүү дээ. Үүнээс сэргийлэх ямар бодлого тусгагдах вэ?

-Манайд хуулиа дагаад сөрөг гардаг нэг үзэгдэл бий. Ар өврийн хаалгаар хамрагдах гэдэг. Үүнийг болиулчихмаар байгаа юм. Нэг үгээр хэлбэл, ухамсараараа л больчих хэрэгтэй. Халамжийг авах ёстой эзэд нь л хүртээсэй гэж бодож байна. Ялгаж салгахыг хуулиар зохицуулчихаж болно.