Эрдэс баялаг, эрчим хүчний сайд Д.Зоригтын санаачилгаар 21 аймгийн 326 сумын нутаг дэвсгэрийн тодорхой хувийг улсын нөөцөд авлаа. Ингэснээр энэхүү нутаг дэвсгэрт ойрын таван жилийн дотор шинээр ашигт малтмалын тусгай зөвшөөрөл олгохыг хориглож байгаа аж. Ер нь лицензийн тоог хумих, цөөлөх, байгаль орчныг хамгаалах тал дээр яамны зүгээс анхаарч байгаагийн үр дүнд нийт нутаг дэвсгэрийн 44.5 хувийг эзэлж байсан тусгай зөвшөөрлийн талбайн хэмжээ 14.2 хувь болж буурлаа.