“Алтны бага нөөцтэй шороон орд, усны хагалбар газар, байгалийн онцгой бүс, ойн савд олгосон  ашиглалтын тусгай зөвшөөрлийг үе шаттайгаар цуцлах...” шийдвэр УИХ-аас гаргасан. 

Гэтэл энэ шийдвэрийг зөрчиж АМГТХЭГ Хөвсгөл аймгийн Алаг-Эрдэнэ сумын нутагт 4513, Цагааннуур сумын нутагт 1445, 39590 ам.метр талбайд тусгай зөвшөөрөл олгосон нь УИХ-ын шийдвэртэй зөрчилдөж байна гэж Хөвсгөл аймгаас сонгогдсон УИХ-ын гишүүн Ц.Сэдванчиг үзэж байна. Дархадын хотгор зэрэг байгалийн үзэсгэлэнт газарт олгосон эдгээр лицензийг цуцлуулахаар Хөвсгөлийн иргэд хөдөлгөөн байгуулан тэмцэж байгаа аж.

Тэдний төлөөлөлтэй УИХ-ын гишүүн Ц.Даваасүрэн, Ц.Сэдванчиг нар уулзаж хууль бусаар олгосон  лицензийг цуцлуулах талаар санал солилцжээ. Үүнтэй холбоотойгоор Хөвсгөлөөс сонгогдсон УИХ-ын гишүүд Засгийн газарт асуулга тавихаар болсон байна.