Монголчууд есийн тооны би­лэгд­­лийг эрхэм­лэн дээдэлдэг ард түмэн. Есөн хөлт цагаан туг, есөн эрдэнэ, есөн нүхтэй цацал гээд л есийн тоо орсон зүйл их.

Түүний адил Хөдөлмөрийн сайд Я.Санжмятав ч гэсэн есийн тоог ихэд билэгшээдэг бололтой.

Тэрбээр Завхан аймгийн Засаг дарга байхдаа өнгөрөгч 2011 оны зун “Завханы өдрүүд”-ийн хү­рээнд 999 морин хуурч авч ирээд нийс­лэлд тог­­луулж байсан удаатай. Тэр нь ч нийслэлчүүдэд ихэд таалагдсан.

Харин есийн тоонд сүсэлдэг сайд энэ удаад Завхан аймагтаа бага­чуудыг шатрын спортоор хичээллүүлэх бод­лого хэрэгжүүлж эхэлсэн аж. Мэдээж энэ ажлынх нь хүрээнд 9999 хүүхэд шатар нүүх аж.

Ямартай ч сайдын билэгшээдэг есийн тоо завханчуудад соёлын үрийг тарих нь. Ингэснээр Я.Санжмятав сайдын ачаар Завхан аймаг 1000 давсан морин хуурч, шатар­чинтай болох бололтой.