Өнөөдөр  өглөөний 09:00 цагаас Хэнтий аймгийн ИТХ-ын  11 дүгээр хуралдаан Иргэний танхимд эхэллээ.

Хуралдаанд 39 төлөөлөгч оролцохоос  20 төлөөлөгч оролцож хуралдааны ирц 51,28 хувьтай байлаа. Энэ удаагийн хуралд МАН-ын төлөөлөгчид оролцоогүй юм . Учир нь намын бүлгээ хуралдуулж, хуралдаанд оролцох боломжгүй гэдгээ албан ёсоор илэрхийлсэн байна. Тиймээс  ИТХ-ын 11 дүгээр хуралдаанаа эхлүүлсэн юм.  Хуралдаанд нийтдээ 8 асуудал хэлэлцэнэ. Үүнд:

1. Аймгийн ИТХ-ын төлөөлөгчөөр сонгогдсон Ц. Баярсайхан, Н. Базарханд нарын бүрэн эрхийг баталгаажуулах,
2. Зарим газар нутгийг аймгийн тусгай хамгаалалтанд авах 
3. Зарим газар нутгийг улсын тусгай хамгаалтанд оруулах санал уламжлах тухай 
4. Улсын тусгай хамгаалалттай”Хар ямаат” –ын байгалийн нөөц газрын менежментийн төлөвлөгөөг батлах тухай   
5. Ан амьтны нөөц ашигласны төлбөрийн хувь хэмжээ  болон тэмдэгтийн хураамжийн хувь хэмжээг тогтоох тухай 
6. 2015 онд Хэнтий аймгийн ой бүхий сумдын ойгоос бэлтгэх модны дээд хязгаарыг батлах тухай 
7. Дулааны станцад эзэмшүүлэх газрын тухай 
8. Хороодын бүтэц бүрэлдэхүүнд өөрчлөлт оруулах тухай гэсэн асуудлуудаар хэлэлцэж байгаа юм.

Одоогийн байдлаар дээрх найман асуудлаас эхний 5  асуудлыг хэлэлцэж  тогтоолын төслүүд  90-100 хувийн саналаар батлагдлаа.

2015 аймгийн ой бүхий сумдын ойгоос бэлтгэх модны дээд хязгаарыг батлах тухай болон  Дулааны станцад эзэмшүүлэх газрын тухай , Хороодын бүтэц бүрэлдэхүүнд өөрчлөлт оруулах тухай гэсэн асуудлуудыг яг одоо/2014-11-18, 15:00цаг/ хэлэлцэж байна. 

      Энэ удаагийн хурал нь Хэнтий аймгийн төвийг Их Эзэн Чингис хааныхаа нэрээр "Чингис хот " хэмээн нэрлэсний 1жилийн ойн өдөр болж байгаа нь онцлог үйл явдал байлаа. 

ИТХ-ын 11 дүгээр хуралдаантай холбоотой мэдээ мэдээллийг түргэн шуурхай хүргэх болно.

Мэдээ бэлтгэсэн: Г. Анирмаа /Иргэний өргөдөл гомдол, Иргэний танхимын хорооны ажилтан/