УИХ-ын гишүүн Ц.Идэрбат намрын чуулган завсарлаад байгаа өдрүүдэд монголын хурдан морь, морины соёл, өв уламжлалын өлгий Хэнтий аймгийн Галшар суманд ажиллаж байна. 

Тойрогтоо ажиллаж хөдөө баг, хөдөөний хот айлд уулзалт хийхэд гаднаас үржлийн адуу оруулж ирэхийг зогсоох тухай асуудлыг орон нутгийн залуус хөндлөө.

Мөн хөдөөний эгэл малчин, адуучин залуус Монгол мориороо уралдаж наадахыг хүсдэг тухайгаа илэрхийлж, монгол адууны тэсвэр, тэвчээрийн тухай, дэлхийн хоёрдугаар дайнд оруулсан хувь нэмэр, ОХУ-ын Москва хотод хөшөө байгуулсан тухай хүүрнэлдэв.

Өнгөрсөн жил Сүхбаатар аймгийн Уулбаян сум түүхт 100 жилийн ойгоо тэмдэглэн өнгөрүүлэхдээ Монгол адуугаа уралдуулахад хавь ойрын сумдын уяачид баярлан хүлээн авч, их насанд 180 гаруй морь мордсон байдаг нь эдгээр залуучуудын хэлснийг баталж буй.

Сэтгүүлч

Сэтгүүлч Б.Хонгорсайхан