УИХ-ын гишүүн Л.Соронзонболд, М.Ганхүлэг нарын гишүүд Хэнтий аймгийн Баян-Овоо сумынхаа Дэлгэрхаан, Наран, Сүмбэр, Жавхлант багийн иргэд, малчидтай ээлжилт уулзалтаа хийсэн. /2025-02-16/

Улсын тэргүүний Баян-Овоо сум нь малчдаа аравтын зохион байгуулалтын системд оруулсан сайн туршлагатай сум. Ингэснээр малчид хөдөлмөрөөрөө хоршин нийгэм, соёл, санхүүгийн хэрэгцээгээ хамтарсан зохион байгуулалттайгаар хангаж зардлаа хэмнэх, бүтээмжээ өсгөх зэрэгт онцгой үр дүнтэй ажилладаг байна.

Үүнд тус сумын дарга асан Д.Баянмөнх гуайн санаачилга, хичээл зүтгэл чухал үүрэг гүйцэтгэжээ. Тэрээр хөдөө орон нутгийг орчин үеийн чиг хандлага, хэрэгцээнд нийцүүлэн зөв удирдан чиглүүлэхийн тод жишээ байв.

Баян-Овоо сумаас Улсын бага хурлын даргаар ажиллаж байсан төр нийгмийн зүтгэлтэн Д. Догсом төрөн гарчээ. Тус сумын олон эх оронч, эрэлхэг залуус 1939 -1945 оны эх орны дайнд оролцсон түүхтэй. 

Сэтгүүлч

Сэтгүүлч Б.Хонгорсайхан