“Хэнтий аймгийн  залуу багш нарын анхдугаар зөвлөгөөн”  Чингис хотноо зохион байгуулагдлаа.  

Боловсролын шинэчлэлд залуу багш нарын хувь нэмрийг нэмэгдүүлэх, тэднийг идэвхжүүлэх, багшлах эв дүй, ур чадварыг дээшлүүлэх, ахмад, дунд, залуу үеийн багш нарын нэгдмэл үйл ажиллагааг дэмжин, шилдэг багш нарын арга зүй, туршлагыг түгээн дэлгэрүүлэх, харилцан туршлага солилцох, хамтран ажиллах нөхцлөөр хангах зорилготой энэхүү зөвлөгөөнд Хэнтий аймгийн ЕБС, цэцэрлэгийн 35 хүртэлх насны 1-5 дахь жилдээ ажиллаж байгаа залуу багш нар болон, аймгийн мэргэжлийн шилдэг багш нар оролцсон юм. 

         Тус зөвлөлгөөний нээлтийн үйл ажиллагаанд Хэнтий аймгийн ИТХ-ын дарга С.Пүрэвжав, БГ-ын дарга З.Батэрдэнэ, МАБХ-ны удирдах зөвлөлийн гишүүн, МУГБ Х.Цэрэнханд, АБХ тэргүүн Ж.Сүхбаатар, ЗБХ тэргүүн Б.Мөнхбаяр, НХХ-ийн мэргэжилтэн Б.Эрдэнэчимэг тэргүүтэй аймгийн залуу багш нар оролцлоо.

           Хэнтий аймгийн АЗДГТ, Боловсролын Газар , Хэнтий аймгийн залуу багш нарын холбоо хамтран зохион байгуулж буй тус зөвлөлгөөнөөр онол аргазүйн сургалт, ахмад багш нартай уулзалт хийх,   Хөгжөөнт, цэнгээнт АХА нэвтрүүлэг, “Залуу хүний манлайлал” лекц, зөвлөмж уриалга гаргах зэрэг үйл ажиллагааг зохион байгуулжээ.