УИХ-ын чуулганы өнөөдрийн хуралдаанаар Шүүх байгуулах тухай хууль, Монгол Улсын Шүүхийн тухай хуульд нэмэлт, өөрчлөлт оруулах тухай, Шүүх байгуулах тухай хуулийг хүчингүй болсонд тооцох тухай хуулийн төслүүд, Шүүгчийн орон тоо батлах тухай Монгол Улсын Их Хурлын тогтоолын төслийн анхны хэлэлцүүлгийг хийлээ.

Шүүх байгуулах тухай хуулиар давж заалдах шатны 19 шүүх, дүүргийн анхан шатны 8 шүүхийг дагнан байгуулах, Захиргааны хэргийн анхан шатны шүүхийг 21 аймагт дагнан байгуулах,

мөн Сум дундын Эрүү, Иргэний хэргийн анхан шатны шүүхийг 21 аймагт дагнан байгуулах, харин Дорноговь аймгийн Замын-Үүд сум, Завхан аймгийн Тосонцэнгэл сум, Өмнөговь аймгийн Ханбогд сум, Ховд аймгийн Булган сум зэрэг Сум дундын 8 шүүхийг дагнан байгуулахгүйгээр байгуулахаар тусгаад байгаа юм.

Шүүхийн нэрийг тухайн шүүхийн харьяаллын засаг захиргааны нэгжийн нэрээр нэрлэх юм. Тухайлбал, “Дорнод, Хэнтий, Сүхбаатар аймгийн Иргэний хэргийн давж заалдах шатны шүүх”, “Дорнод, Хэнтий, Сүхбаатар аймгийн Эрүүгийн хэргийн давж заалдах шатны шүүх”, “Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүх” гэх зэргээр нэрлэх аж.

Харин энэ үеэр УИХ-ын гишүүд асуулт асууж хариулт авлаа.

УИХ-ын гишүүн О.Баасанхүү "Нэгэнт үндсэн хуулиас шийдвэр гарсан учир тодорхой хэмжээгээр хууль өөрчлөх нь гарцаагүй байх. Гэхдээ хуулийн төслийн 19:2-т Шүүхийн байрших газарт шүүх хуралдааныг явуужл болно гэсэн байх юм. Тэгэхэээр шүүхийн байршил гэдэг нэршил чинь Үндсэн хуультайгаа нийцэж байгаа юу. Яагаад гэвэл шүүх хуралдаан явуулах газар нь арай л нэг өөр байдаг шиг санагдаад байх юм. Мөн шүүгч томилолтоор ажиллах нийтлэг журмыг Шүүхийн ерөнхий зөвлөл тогтооно гэж байна. Энэ маань хэр зохицож байгаа вэ” гэдгийг лавлав.

Харин УИХ-ын гишүүн Б.Бат-Эрдэнэ “ Ер нь бол хуулийн шинэчлэлийн хүрээнд зөндөө олон зүйл хийнэ гээд дүүгүүрдсэн.Зарим нь үр дүнтэй болсон байж магад, гэхдээ ихэнх нь бүтэлгүй зүйл боллоо. Нөгөө цагдаагийн байгууллагад хийсэн зүйлийг хар даа. Дотоодын цэргээс авахуулаад бүгдээрээ л эргээд байрандаа орчихлоо” гэсэн юм.

УИХ-ын гишүүн Ө.Энхтүвшин “Байнгын хорооны хурал дээр нэлээд ярьсан. Гэхдээ эргээд харвал шүүхийн шинэчлэл гэх айхтар яриад хийсэн юм нууд байхгүй болчихож байгаа юм. Шалтгаан нь сонгуульд ялсны дараа бяралхаж хийсний болон бас сэтгэлийн хөөрөлдөө автаж хийсний гор л доо. Ерөөсөө л шинэчлэл гэж баахан юм хийж байгаад шат дараатайгаар уначихаж байгаа юм”

Захиргааны хэргийн шүүхийг аймаг бүрт байгуулна