Монгол улсын засгийн газрын хэрэгжүүлэгч агентлаг Удирдлагын академийн Удирдах ажилтны сургууль төгсөгчдийн холбооноос жил бүр нийгэм, улс төрийн амьдралд амжилт гаргасан хувь хүмүүсийг шагнаж, урамшуулдаг уламжлалтай. Өчигдөр буюу 2011 оны 1-р сарын 31-нд тус холбооны тэргүүн П.Батцэнгэл энэ жилийн шилдэгүүдэд шагналыг нь гардууллаа. Энэ үеэр "Нийгэмд шинэ хандлага, шинэ чиглэл гаргасны төлөө” шагналаар УИХ-ын гишүүн С.Эрдэнэ, Н.Батбаяр, Л.Гантөмөр, З.Алтай, Ш.Сайхансамбуу болон Чингисийн академийн тэргүүн П.Давааням, Техникийн шинжлэх ухааны доктор, профессор Г.Лхагваа, Физикч, философич, доктор З.Бат-Отгон, Зурхайч М.Намсрай нарын хүмүүс шагнагдсан юм.