Монголын ард түмэн, гадаад дотоодын байгууллагууд, хөрөнгө оруулагчдын хамгийн ихээр анхааран ажиглаж байгаа асуудал  бол Оюутолгой, Таван толгойн гэрээ билээ.

Сүүлийн гурван жил дуншин ярьсан Оюутолгой гэрээг энэ долоо хоногт засгийн газар УИХ-д өргөн барихаар болсон билээ.
Засгийн газрын боловсруулсан Оюутолгой гэрээний төслөөс эхний ээлжид 19,4 тэр бум ам.долларын орлого олохоор тооцоолсон байна. мөн эхний ээлжид монголын тал  хувьцааны 34 хувийг эзэмших бөгөөд хэсэг хугацааны дараа 50 хувьд хүрэхээр гэрээнд тусгасан байна.

УИХ-д тус гэрээний төсөл өргөн баригдахаас өмнө УИХ-дахь намын бүлгийн гишүүд удаан хугацаанд ярилцсаны эцэст дээрх гэрээний төслийг хэлэлцэхээр болжээ.