Монгол Улсын Ерөнхий сайд Санжаагийн Баярын урилгаар Нэгдсэн Үндэстний Байгууллагын Ерөнхий нарийн бичгийн дарга эрхэмсэг ноён Бан Ги Мүн гэргий Суун Таекийн хамт энэ сарын 26-28-ны өдрүүдэд Монгол Улсад албан ёсны айлчлал хийх гэж байна.

БНСУ-ын иргэн Бан Ги Мүн НҮБ-ын Ерөнхий нарийн бичгийн даргаар 2007 оны 1 дүгээр сарын 1-нээс ажиллаж байгаа бөгөөд тэрбээр төр, засгийн өндөр албыг 37 гаруй жил хашсан мэргэжлийн дипломатч юм.

Тэрээр БНСУ-ын НҮБ-ын Ерөнхий нарийн бичгийн даргаар сонгогдохоос өмнө БНСУ-ын Гадаад хэрэг, худалдааны сайд, Ерөнхийлөгчийн гадаад бодлогын зөвлөх, Бодлого төлөвлөлтийн асуудал эрхэлсэн орлогч сайд, Гадаад хэргийн сайдын тусгай зөвлөх, Америкийн газрын ерөнхий захирал, НҮБ-ын Вена дахь төвд суугаа Байнгын төлөөлөгч, Элчин сайдаар ажиллаж байжээ.