Авлигын индекс тооцон гаргах ажлын хүрээнд аймаг, нийслэл, яам, агентлаг, шүүх, прокурорын байгууллага дахь авлигын цар хүрээ, хэлбэр, шалтгаан, эдийн засгийн хор уршиг зэргийг судлах “Шинжээчийн төсөөллийн судалгаа”-нд оролцох шинжээчдийг сонгох шалгаруулалтанд урьж байна.

Шинжээч нь тусгайлан боловсруулагдсан аргачлалын дагуу салбарын үйл ажиллагааг үнэлнэ. Үнэлгээг нийслэл, 21 аймаг тус бүрээр болон дараах салбараар хийнэ.

Үүнд:

• Байгал орчин, аялал жуулчалын;
• Боловсрол, соёл, шинжлэх ухааны;
• Гадаад харилцаа, гадаад худалдаа, хөрөнгө оруулалтын;
• Зам тээврийн, барилга, хот байгуулалтын;
• Нийгмийн хамгаалал, хөдөлмөрийн;
• Санхүү эдийн засаг, гааль, татварын;
• Хууль зүй, хууль хяналтын;
• Хүнс, хөдөө, аж ахуй, хөнгөн үйлдвэрийн;
• Шадар сайдуудын эрхлэх асуудлын хүрээн дэх байгууллагууд;
• Эрдэс баялаг, эрчим хүчний;
• Эрүүл мэндийн;
• Шүүх;
• Прокурор;

Шинжээчид тавигдах шаардлага

1. Төрийн болон төрийн бус байгууллага, аж ахуйн нэгжид тасралтгүй зургаагаас доошгүй жил ажилласан байх;
2. Тухайн салбарыг үнэлэхэд шаардагдах боловсрол, мэргэшил, ур чадвартай эсхүл сургалт, судалгаа, эрдэм шинжилгээний чиглэлээр тогтмол үйл ажиллагаа явуулдаг байх;
3. Холбогдох эх сурвалжтай танилцан үнэлэлт, дүгнэлт хийх чадвартай байх;
4. Тухайн салбарт тодорхой хэмжээгээр танигдсан, хүлээн зөвшөөрөгдсөн байх;
5. Өөртөө итгэлтэй, бүтээлч, санаачлагатай байх;
6. Шинэ мэдээлэл хүлээн авч, дүгнэн шинжлэх чадвартай;
7. Улс төрөөс ангид байх;

Сонгон шалгаруулалтанд ирүүлэх материал:

Өөрийн товч намтар /CV/, үнэлэх гэж буй тухайн салбарынхаа талаарх эссе 2 хуудсанд багтаан, дээр дурьдсан шаардлагыг батлах бусад баримт бичиг.

Сонгон шалгаруулалтанд шаардагдах бичиг баримтыг Авлигатай тэмцэх газрын Судалгаа шинжилгээний албанд буюу gbbatzorig@iaac.mn гэсэн хаягаар ирүүлнэ үү. Холбоо барих утас: 70112565, 70113565.
Материалыг 2009 оны 9 дүгээр сарын 25-ныг дуустал авна.

Мэдээллийн нууцыг хуулийн дагуу чандлан хамгаална.