Эрүүл мэндийн сайд байхдаа улсын хөрөнгийг завшсан гэдгээр Л.Гүндалай гишүүний эрхийг түдгэлзүүлнэ гэж УИХ-д хандаж байсан бичгээ Улсын ерөнхий прокуророос саяхан татаж авсан билээ.

Энэ талаар эрхэм гишүүн сонинд өгсөн ярилцлагадаа “Би буруугүй гэдгийг олон нийт одоо ойлгосон байх. Ийм ойлголтыг өгсөн АТГ, Ерөнхий прокурорт гомдолтой хэвээрээ байгаа” гэсэн байна. Тэрээр Ерөнхийлөгчийн сонгуульд өөрийн намаас нэр дэвшигчийг даган орон нутагт, хаана л бол хаана яваа учир завгүй байгаа. Нэр дэвшигчээ дагахаас гадна хэрэв хүсэлт гарч ирвэл дангаараа ч явж болох юм” гэдгээ мэдэгджээ. Тэрээр баруун аймгийнхнаас ийм хүсэлт тавибал заавал нэр дэвшигчтэйгээ гэлтгүй ганцаараа явж ажиллана гэсэн байна.