Олон нийтийн хандлага ойлголт олон янз байна. Бичил уурхайчид тухайн орон нутагт хөрөнгө босгоход төрийн ачаанаас үүрэлцдэг гэдэгтэй санал нэгтэй байгаа.

Цаашдаа бичил уурхайг огт байхгүй болгох тухай хардалт бий болоод байна. Энэ хэр үнэний ортой вэ?

УИХ-ын гишүүн С.Ганбаатар:

Бичил уурхай гэдэг дуртай, дургүй байхаас үл шалтгаалаад Монгол орны бодит байдал. Амьд явах эрхээ эдлэхийн тулд баялгаа ухаж амьжиргаагаа залгуулж байгаа гэж үзнэ. Нөгөө талаар бичил уурхайг бүрэн дэмжинэ гэвэл өрөөсгөл болно. Хамгийн гол нь төрийн зохицуулалт хэрэгтэй. Урт нэртэй хууль бүх уул уурхай, бүх голны ой сав газрыг бүгдийг зогсоо гэж байгаа.

Одоо бас бүгдийг нь нээ гэж хэлээд байгаа. Миний хувьд орон нутаг аймгаас уул уурхайтай холбоотой оролцогчид хоорондоо ярилцдаг зөвшилцдөг механизмыг бий болгох нь чухал. Эхний анхаарах зүйл бол хөндлөнгийн бие даасан мэргэжлийн геологийн үндэсний зөвлөл зөвлөмж гаргаж тэрийг тойрч ярьдаг байх ёстой.

Хоёрдох зүйл бол бичил уурхайн асуудалд онцолж ярихад бичил уурхайчдыг албан болгох, зохион байгуулах ямар боломж байгааг төр олох ёстой.  

УИХ-ын гишүүн Д.Ганбат:

Асуудал бол байна үүнийг шийдэх ёстой. Иргэдээ ажилтай байлгаж чадаагүйн харгайгаар өөрсдөө хөдөлмөр эрхэлж байгаа эдгээр иргэдийн төрөөс урамшуулах ёстой. Зөвхөн журмаар зохицуулагддаг ямар ч хууль байхгүйг шүүмжилж байна. Аливаа асуудлыг буруутгаад байвал далд хэлбэртэй болно.

Үүнийг шийдэхийн тулд хааж боохгүй яаж зөв зохион байгуулалтад оруулах вэ гэдэгт анхаарч газар зааж өгөн нөхөн сэргээлт сайн хийлгэж, судалгаа хийх хэрэгтэй. Одоо Монгол улсын их хуралд төрөөс эрдэс баялгийн хуульд баримтлах бодлогыг хэлэлцэж байна. Хүмүүсийн саналыг сонсож гарцыг олохгүй бол эрүүл мэндээр хохирсоор байх болно.

Үргэлжлэлийг нэвтрүүлгээс ....