УИХ дахь АН-ын бүлэг өчигдөр хуралдаж С.Эрдэнийн тангараг өргөхтэй холбоотой асуудлыг авч хэлэлцэж ажлын хэсэг байгуулжээ.


Энэ ажлын хэсэгт УИХ-ын дэд дарга Г.Батхүү, УИХ-ын гишүүн З.Энхболд, Г.Баярсайхан нар орж ажиллах юм байна. Мөн УИХ-ын дарга Д.Дэмбэрэлд шаардлага хүргүүлэхээр болжээ, Тэрхүү шаардлагад "УИХ-ын Дэгийн тухай хуульд анхдугаар хуралдаанд суугаагүй гишүүн өөрийн оролцсон анхны өдрийн хуралдаанд тангараг өргөнө" гэж заасан байдаг. Иймд УИХ-ын хуралдааныг яаралтай зарлаж, С.Эрдэнийг тангараг өргүүлэхийг албан ёсоор шаардаж байна. Хэрэв үүнийг биелүүлэхгүй бол УИХ-ын даргын хувьд таныг Үндсэн хуулийн нэгдүгээр зүйлд заасан "Хууль дээдлэх төрийн үйл ажиллагааны үндсэн зарчим"-ыг зөрчиж, УИХ-ын тухай хуулийн 11.1.1-д заасан "УИХ-ын уйл ажиллагаанд Үндсэн хууль, бусад хуулийг сахин биелүүлэх ажлыг зохион байгуулах бүрэн эрхээ хэрэгжүүлээгүй, хууль зөрчсөн" үндэслэлээр Үндсэн хуулийн Цэцэд хандахыг мэдэгдэж байна" гэжээ.