-Ярилцлагаа хамгийн тул­­гамдсан асуудлаас эхэлье. Ту­хайлбал Таиланд улс байгалийн гамшигт хам­­гийн ихээр нэрвэгддэг. Ялангуяа Бангкок, зүүн хойд болон баруун нутгуудад одоо ч үер болж байгаа. Ард иргэдийг усны аюулаас бүрэн хамгаалах арга байна уу?

-Ямартай ч шинэ жилийн баяраас урьтаж, асуудлыг шийдвэрлэхээр ажиллаж байна. Гэхдээ бидний хувьд үерийн аюулыг арилгахын хажуугаар энэ их усыг үр ашигтай зарцуулах тал дээр анхаарлаа хандуулж байна.

-Сүүлийн жилүүдэд то­хиож буй үер усны гамшиг энэ зууны хамгийн хор хө­нөөлтэй хүчин зүйлээр тодорч байна. Байгалийн гамшиг нийгэмд аюул уч­руулахаас гадна улс орны эдийн засгийг ч сөхрүүлж дөнгөдөг. Энэ их хохирлыг хэрхэн арилгах вэ?

-Мэдээж, улсын төсөвт тө­лөвлөөгүй зардал их гар­на. Бүр маш их. Гэхдээ ийм байлаа гээд хайхралгүй өнгөрч болно гэж үү. Засгийн газраас тусламжийн баг гарган ажиллаж, иргэдэд шаард­лагатай эд зүйлс, хоол хүнсийг илгээсээр байгаа. Хамгийн гол нь бид үерээс болж гэргүй болсон иргэдийг орон байраар хангах ёстой. Тиймээс энэ чиглэлийн аж­лыг ч эрчимтэй хийж байна. Үүнээс гадна хүмүүст санхүүгийн шууд туслалцаа хэрэгтэй байгаа болохоор татварын хөнгөлөлт болон хүү багатай зээлийн сис­темийг хэрэгжүүлж эхэлсэн. Гол нь аливаа асуудлыг шийд­­вэрлэхэд удаан хэлэл­цэж цаг алдалгүй, түргэн шуурхай арга хэмжээ авах ёстой.

-Гэхдээ үерийн гамшиг дахиад тохиолдохгүй гэсэн баталгаа байхгүй шүү дээ?

-Таиландын ард түмэн хүнд хүчрийг даван туулж сурсан. Аль ч нийгэмд шийд­вэрлэж чадахгүй хэдэн асуудал байдаг. Түүний нэг­дүгээрт, байгалийн аран­шин орно. Газар, тэнгэр хэзээ, хэрхэн аяглахыг бид таашгүй. Тиймээс мэдээж, сонор сэрэмжтэй, дараагийн алхмыг хийхэд бэлэн байна.

-Таны ах Таксиныг дэл­хий нийт Таиландын их удирдагч гэдэг. Тэрбээр та­ны үйл хэрэгт хэр нө­лөөлдөг вэ?

-Би энд хэзээ ч бултаж, зайлахын аргагүй нэг зүй­лийг хэлье. Енлак Чина­ват бол Таксины төрсөн дүү.

-Тэгэхээр Ерөнхий сайд асан Таксин Чинават 2006 оноос хойш хоёр жилийн турш хоригдож байсан. Түү­нийг улстөрийн хэргээр буруутгасан. Харин өдгөө Таиландын Засгийн эрх таны гарт байна?

-Таны бодлоор Таиландын Засгийн газар миний үгээр ажилладаг болж таарах нь. Гэтэл миний санаснаар хийгддэг ажил гэж байхгүй. Учир нь миний дор бүхэл бүтэн баг ажилладаг. Өөрөөр хэлбэл, бид хамтдаа хэ­­лэлцсэний дүнд аливаа асуудлыг шийддэг юм.

-Таиландын Гадаад харилцааны сайдын хэлж буйгаар Таксин Чинават тун удахгүй Таиландын паспорт авна гэсэн. Энэ нь түүний нөлөө дахин бий болно гэсэн үг үү?

-Би энэ талаар мэдээ­гүй юм байна шүү. Учир нь, энэ асуудлыг  Гадаад    ха­рил­цааны яам шийдэх учиртай. Миний хувьд хуу­­лийг баримталж ажил­лана. Тиймээс миний зүгээс энэ асуудалд хувийн ханд­лагаар оролцохгүй. Харин холбогдох албаныхан хуу­лийг баримталж ажил­лана гэдгийг баталж чадна.

-Таиландад эмэгтэй хүн Засгийн эрхийг барьж бай­сан түүх байхгүй. Тий­мээс таны бодлого олон улсын анхаарлыг татаж байгаа?

-Таиландын ард түмэн хэнд эрх мэдэл өгч буйд гол нь биш, хэн зөв замаар явж чадах вэ гэдгийг анхаарсан. Тэд миний ахыг бодож, эсвэл намайг эмэгтэй хүн болохоор надад саналаа өгсөн юм биш. Ард түмэн ямагт эрэлхийлдэг. Бас хамгийн хүчтэй эвсэл болж чаддаг. Тиймээс ард түмний санал, сонголт, шийдвэрт эргэлзэх шаардлагагүй байх.

-Гэхдээ өөрчлөлт зайлшгүй гарна байх. Учир нь Таиландын улстөрд эцгийн эрхт ёс байсан гэхэд хилсдэхгүй. Тиймээс эмэгтэйчүүд олон зүйлийг өөрчилнө гэж олон нийт үзэж байна?

-Тийм шүү. Эмэгтэйчүүд бүх зүйлд мэдрэмжтэй ханд­даг. Бас анхаарлаа төв­лөрүүлэхдээ эрчүүдээс хэзээд илүү байдаг. Харин эрчүүд энэ тал дээр арай өөр бодолтой байдаг байх. Хамгийн гол нь, бид хүйсийн ялгаа ярихаас илүүтэй, яавал илүү нэгдэх вэ гэдэгт анхаарах ёстой.

-Тэгвэл та эцгийн эрхт улстөрд  шинэ  уур  амьс­галыг хэрхэн бүрдүү­лэх гэж байна даа?

-Ер нь эмэгтэйчүүдийн хүсэл мөрөөдөлд хүрээ, хяз­­гаар байдаггүй юм. Тэр хэрээр түүндээ хүрэх гэж тэмүүлдэг. Би хэдий улстөрч ч гэсэн хүсэл мөрөөдөлдөө хориг тавихыг боддоггүй.

Харин хүмүүс эмэгтэй­чүүд эрчүүдээс ямагт сул до­рой, бие махбод, сэтгэл са­наа­гаараа арчаагүй гэж бод­дог. Гэвч Тайландын өнөө­гийн нөхцөлөөс харахад бүс­гүй­чүүд хангалттай хү­чээр ажил­лаж байна. Тэд бүтээн байгуулж, зохицуулж, бод­лого боловсруулж, бас энх­тайвныг бүрдүүлэхэд чин сэтгэлээ зориулж байгааг ха­раад урам зориг минь сэргэдэг юм.

-Та агуу том улстөрч гэр бү­лээс гаралтай /тэрбээр есөн хүүхэдтэй айлын отгон нь/. Гэрийнхэн тань хоолны ширээний ард ч улстөр ярьдаг байсан гэдэг?

-Хэдий улстөрч ч миний гэр бүл жирийн сайхан амь­­дарч байсан. Аав, ээж минь бидэнтэй тоглож наа­дан, их хөгжилтэй байдаг байлаа. Хоолны ширээний ард бид тэр өдөр өөрсдөдөө тохиолдсон хөгжилтэй зүйлсийг ярьж, эсвэл ээж бид­­­ний сурлагын талаар аавд хэлдэг ч юм уу, ямар ч байсан миний санахад ал­ба­­ны уур амьсгал манай гэр бүлийг бүрэн эзлээгүй л байсан юм.